web counter
LEXO PA REKLAMA!

SHKARKO APP

E fundit!

x

Masakra në ish-Bllok/ Elvana Gjata thyen heshtjen, letër prokurorisë

28 Nëntor 2018, 12:32, Aktualitet CNA

Këngëtarja Elvana Gjata ka thyer hestjen pas ngjarjes së rëndë të katër tetorit në zonën e njohur si ish-blloku, ku pas një përplasje me armë zjarri një person mbeti i vrarë dhe dy të tjerë të plagosur.

Burime për Report Tv saktësuan se Elvana Gjata ka statusin e dëshmitares dhe ndaj saj nuk ka masë sigurie, ndërsa në kërkim policor vijon të jetë i fejuari i saj Ervin Mata, protagonist në përleshjen me armë zjarri me grupin e Ervis Martinajt.

Elvana Gjata 3 javë më parë i ka dërguar me postë prokurorisë, por detajet e letrës janë bërë publike vetëm sot. Drejtuar organit të akuzës, këngëtarja i njofton se nuk ndodhet në Shqipëri, ndërsa shton se është njoftuar nga mediat lidhur me faktin se prokuroria kërkon dëshminë e saj për rrethanat e asaj që ndodhi brenda lokal “Monopol”, edhe pse thekson se nuk ka qenë e pranishme në momentin kur nisi konflikti me armë.

?Jam njohur nga media se kërkohet dëshmia ime. Ndodhem jashte vendit për arsye shendetesore, jam njohur nga media se kërkoni deshminë time. Sapo te jem në Shqiperi do të paraqitem për të dhënë deklarimet e mia.?-shkruhet në letrën e Elvana Gjatës, dërguar prokurorisë.

Edhe sipas hetimeve të policisë dhe prokurorisë, por edhe dëshmitarëve, kengëtarja Elvana Gjata s’ka qenë e pranishme në momentet e konfliktit në ish-bllok ku nga përplasja fizike dhe përdorimi i armëve të zjarrit mbeti një viktime e dy të plagosur.





Lajmet e fundit nga