web counter
LEXO PA REKLAMA!

SHKARKO APP

App Store
Google Play

E fundit!

x

Veliaj nuk ndalet as ditën e Pavarësisë/ Tirana do Unazën e Madhe

28 Nëntor 2018, 10:49, Aktualitet CNA

Kryetari i Bashkisë së Tiranës Erion Veliaj nga sheshi ?Skënderbej? uroi festën e Pavarësisë dhe përcolli nderime për figurat e shtetit shqiptar, të cilët me sakrificë arritën të shpallnin Pavarësinë e Shqipërisë 106 vite më parë.

Gjatë fjalës së tij Veliaj theksoi se  himni  nuk është thjeshtë një këngë apo disa vargje me rimë, por një emocion që ka frymëzuar shqiptarët në histori.

?Përmbyllim me sukses vitin mbarëkombëtar të Skënderbeut. Kemi një himn të mrekullueshëm të shkruar nga Asdreni. Hymni ynë nuk është thjeshtë një këngë me disa vargje me rimë. Jo të gjithë nga ne donin këtë himn e këtë flamur. Kishte një grup që thoshin dumbabën, që nëkuptonte pushtuesit. Historia përsëritet dhe e vetmja gjë ndonjëherë  që nuk e kuptojmë është vetë historia kur e përsërisim. Secili nga ju është ulur në gurët që kanë ardhur nga shumë troje. Ne duhet të marrim vendime të rëndësishme për ta shpallur Shqipërinë më vete. Sot lypset që ne të kemi progres. Sot lypset t?i respektojmë njerëzit?-u shpreh ai.

Duke qenë përpara mediave Veliaj theksoi sërish qëndrimin e tij për projektin e Unazës së Madhe, pa harruar edhe sulmet ndaj kundërshtarëve politik.

?Nëse sot do të dëgjonim lëvizjen dumbabën nuk  do të kishim këtë shesh, atë pazar, sheshin e lojërave tek Liqeni Artificial. Tirana me Unazën e Madhe do të ketë pavarësi nga trafiku si dhe nga zaptimi. Ky qytet nuk la pa bukë hebrenjtë. Ky qytet nuk do të lë asnjë njeri pa bukë, por ne ia kemi borxh gjeneratës zhvillimin e Tiranës. Jam mirënjohës për banorët bashkëpunues.?-tha Veliaj./CNA.al





Lajmet e fundit nga