web counter
LEXO PA REKLAMA!

SHKARKO APP

App Store
Google Play

“Plaku i Vitit të Ri po vjen me thesin e madh”/ Çfarë paralajmëron Spartak Ngjela

28 Nëntor 2018, 11:52, Aktualitet CNA

Me rastin e 28 Nëntorit, avokati Spartak Ngjela ka uruar shqiptarët nëpërmjet një postimi në rrjetet sociale.

Në postimin e tij, Ngjela shkruan se ne jemi të varfër e të tradhëtuar, sipas tij për shkak të gjymtimit të etnisë territorial dhe korrupsionit të brendshëm.

?Gëzuar festën e madhe të Pavarësisë së Shqipërisë.
Asnjëherë nuk e kemi gëzuar me harenë e duhur, se, gjymtimi i etnisë territoriale shqiptare dhe shtypja e uzurpimit korruptiv të brendshëm i ka lënë shqiptarët në trishtimin e madh shekullor.
Ne jemi të varfër se jemi të tradhëtuar.
Në jemi të shpërndarë kudo në botë, se jemi të dhunuar së brendshmi.?-shkruan Ngjela.

Më tej, avokati thekson se kjo do të marrë fund. Ngjela shkruan se ?Tani koha erdhi. Dy shtete shqiptarë në Ballkan.
Frymë bashkimi që nuk mund të mposhtet më, por edhe një frymë që do të shkallmojë abuzimin korruptiv njëqindvjeçar.?.

Gjithashtu avokati Ngjela paralajmëron se ?Plaku i Vitit të Ri po vjen në këtë dhjetor me thesin e madh të çlirimit të Shqipërisë nga uzurpimi njëqindvjeçar i abuzuesëve primitivë të Shqipërisë.
Po vinë organet e reja të vendosjes së ligjit edhe në Shqipëri. Për këtë jemi të sigurt: në kërë dhjetor mbyllet gjithçka institucionale, për të filluar beteja ligjore antikorrupsion.?
?Korrupsioni i bashkuar që ka kërkuar dhunë dhe shpërbërja të Shqipërisë, tani ka marrë fund.
Gëzuar Festën tonë Kombëtare!?-përfundon postimin e tij Ngjela./ CNA.al





Lajmet e fundit nga