web counter
LEXO PA REKLAMA!

SHKARKO APP

App Store
Google Play

E fundit!

x

Ditë e “nxehtë” në parlamentin e Kosovës/ Priten dy seanca të jashtëzakonshme

4 Shtator 2018, 06:30, Aktualitet CNA

Kuvendi i Kosovës,  përtej përpjekjeve për të ndaluar bisedimet me Serbinë për ndryshimin e kufijve, do të mbajë edhe një seancë tjetër të jashtëzakosnshme, për krijimin e një ekipi negociator për dialogun me Serbinë.

Në krye të ekipit u propozua zv/kryeministri i Kosovës, Fatmir Limaj, ndërsa zëvendës i tij do të jetë Enver Hoxhaj.

Grupi i anëtarëve do të përbëhet nga Behxhet Pacolli, Dardan Gashi, Avni Arifi dhe Mahir Yagcillar.

Qeveria ka kërkuar që edhe partitë opozitare të caktojnë nga një përfaqësues në këtë ekip, shkruan gazeta Express.

Seanca për krijimin e grupit negociator pritet të fillojë në 09:00, kurse ajo për miratimin e rezolutës për të ndaluar bisedimet me Serbinë për kufinjtë, pritet të fillojë në orën 10:00.

Megjithatë, edhe pse është thërritur nga Kuvendi, mbetet e paqartë nëse partitë politike në pushtet do të marrin pjesë në seancë.

Mësohet se krerët e partive, përpara fillimit të seancës, do ët zhvillojnë mbledhje me grupet parlamentare, ku do të diskutohen hapat që do të ndërmerren.

Për mbajtjen e seancës së jashtëzakonshme nevojitet një numër prej 60 deputetësh, ndëra për miratimin e një rezolute kërkohen 61 vota. /CNA.al





Lajmet e fundit nga