web counter
LEXO PA REKLAMA!

SHKARKO APP

App Store
Google Play

Uashingtoni nuk pranon klasën politike shqiptare?/ Ngjela zbulon të vërtetën

13 Korrik 2018, 19:07, Aktualitet CNA

Në një postim në rrjetet sociale, avokati Spartak Ngjela, teksa ka komentuar korrupsionin aktual shqiptar, ka thënë se Uashingtoni nuk e pranon klasën e korruptuar politike që aktualisht operon në Shqipëri.

Ngjela ka thënë se lufta kundër korrupsionit në Shqipëri është sukses i politikës amerikane në Europën e ardhëshme, duke shprehur bindjen se politika amerikane do ofrojë ndihmën e saj edhe më tej për të goditur korrupsionin.

?Korrupsioni aktual shqiptar nuk ka më të ardhme, të gjitha këto që bien si këmbanat nga politika amerikane, në ndihmë të shqiptarëve dhe të çështjes shqiptare, janë pjesë e marshit funebër që po përcjell korrupsionin kryeministror shqiptar.
Politika amerikane nuk ka shkelur asnjë marrëveshje dhe asnjë zotim; dhe ajo është zotuar botërisht për ndihmën anti – korrupsion që do t’u japë shqiptarëve.

Por kjo ndihmë antikorrupsion që po iu jep shqiptarëve, është me rëndësi për shqiptarët, sepse vetë kjo është në fakt pjesë e politikës amerikane globale që ka të bëjë më Ballkanin Perëndimor. Prandaj, kjo është arsyeja që lufta antikorrupsion në Shqipëri ka të bëjë më suksesin e politikës amerikane në Europën e ardhëshme.
Dhe kjo është shumë për historinë e ardhme të Shqipërisl.
Pikërisht këtu vjen dhe e merr forcën e vet morale angazhimi amerikan; por këtu e gjen garantimin e aktit amerikan anti-korrupsion edhe shoqëria shqiptare që po e pret këtë akt, i cili në fakt ka filluar.

Gjykimi kryesor në këtë angazhim amerikan, është ky: klasën e korruptuar të politikës aktuale shqiptare nuk e pranojnë as shqiptarët dhe as Uashingtoni?,- shkruan  avokati Ngjela. /CNA.al





Lajmet e fundit nga