web counter
LEXO PA REKLAMA!

SHKARKO APP

App Store
Google Play

E fundit!

x

Thanza, hajduti në Gjykatën e Lartë/ Ngjela tregon krizën që ka prekur shqiptarët

13 Korrik 2018, 18:27, Aktualitet CNA

Pas verifikimit të formularit të vetëdeklarimit nga Komisioni i Pavarur i Kualifikimit ku rezultoi se gjyqtari i Gjykatës së Lartë Admir Thanza kishte fshehur një dënim të formës së prerë që kishte marrë në Itali, ka reaguar avokati Spartak Ngjela.

Në një postim në rrjetet sociale, Ngjela shkruan se si pasojë e korrupsionit të lartë shtetëror, qytetarët shqiptarë janë në krizë të thellë morale. Sipas tij Thanza është rasti konkret i korrupsionit.

?Kudo sot në rrethet shkencore të universiteteve të mëdhenj në Europë dhe në Amerikë, po flitet për gjuhën shqipe dhe historinë e Arbërisë dhe shqiptarëve në një sens kombëtar. Kjo vërehet dhe në të gjithë Gadishullin Ilirik.

Por janë në krizën shqiptare të korrupsionit të lartë shtetëror shqiptarët e Shqipërisë, një krizë e thellë morale kjo që imponohet nga defekti i madh historik i qeverisjeve të korruptuara – sigurisht.
Shenja më e fundit është gjyqtari i lartë, Thanza, i dënuar për vjedhje në Itali.

Si rrjedhojë historike, kjo krizë morale që konstatohet, nuk ka filluar sot, por sot është në kulmin e vet.
Pasi ka qenë pronë e tiranëve për 65 vjet (1925-1990), në 25 vjetët e fundit, Shqipëria ka qënë pronë e qeverive abuzive, e gjyqtarëve dhe prokurorëve të korruptuar të cilët, të gjithë bashkë, kanë përbuzur dhe kanë varfëruar shqiptarët pasi i kanë vjedhë ata. Të gjithë kanë urryer drejtësinë shoqërore. I tillë është dhe korrupsioni i sotëm kryeministror.?,- shkruan Ngjela ndër të tjera. /CNA.al

 





Lajmet e fundit nga