web counter
LEXO PA REKLAMA!

SHKARKO APP

App Store
Google Play

E fundit!

x

Rama betim në luftën kundër korrupsionit/ "Shpërthen" deputetja demokrate

13 Korrik 2018, 18:03, Aktualitet CNA

Edi Rama ndodhet në Bruksel në Samitin e NATO-s, ku ka nënshkruar një kontratë, si betim në luftën kundër korrupsionit.

Për këtë ngjarje ka reagur deputetja e PD, Jorida Tabaku, e cila është shprehur se kjo është një shfaqje e Kryeministrit.

Sipas saj përpjekjet e Ramës janë të kota, pasi DASH, e ka cilësuar Shqipërinë, si një nga vendet kryesore të pastrimit të parave.

Këtu ajo përmend rastin e portit të Karpenit, aeroportin e Vlorës apo së fundi me Teatrin Kombëtar.

Ajo shton më tej se të gjitha tenderat dhe koncesionet, i fitojnë një grusht njerëzish i lidhur me pushtetin.

Tabaku ndër të tjera ka akuzuar Ramën se betimi i Ramës, për angazhimin në luftën ndaj korrupsionit dhe krijimin e  institucioneve të pavarura është gënjeshtra e rradhës kur është ai penguesi kryesor i krijimit të SPAK.

 

Postimi i plotë

Mbi Samitin e Londrës!

Rama paska firmosur dje një kontratë në Samitin e Londrës ku është betuar për luftë kundër korrupsionit. E gjitha kjo është në funksion të spektaklit dhe shfajeve që Rama I ka pa TVSH.

Nuk ka nevojë për një kontratë të tillë kur ligjet e vendit garantojnë transparencë. Por, synimi kryeministrit është krekosja majë korrupsionit që vetë ka ligjëruar, normatuar dhe ngritur në sistem.

Qenka angazhuar se do të luftojë pastrimin e parave duke treguar burimin e financimeve të PPP, kur departamenti amerikan i shtetit e ka cilësuar Shqipërinë si vend kryesor në pastrimin e parave. Ndërkohë që ka dhënë kontrata PPP firmave guaskë (offshore) ku nuk dihet e identifikohet pronari si Inceneratorët, Porti i Karpenit, Air Albaniae së fundmi projekti për 8 kullat në Tiranë dhe prishjes së teatrit janë vetëm disa shembuj.

Ka firmosur në kontratë se tenderat e koncesionet e radhës do të jenë me kon kunkurencë të hapur ndërkohë që aktualisht 30% e tenderave e tederave dhe koncesioneve janë pa garë dhe në kundërshtim me ligjin e i fitojnë vetëm një grusht njerëzish të lidhur me pushtetin.

Qenka angazhuar se do ketë konkurencë të lirë ndërkohë që në programin ?1 mld Euro? deri më tani 4 prej 7 projekteve I kanë shkuar firmave me një ofertë të pakërkuar. Ndërkohë, pavarësia e Agjencisë se Prokurimeve Publike është inekzistente. Sistemi online nuk përdoret dhe nuk është përdorur për asnjë projekt PPP.

Kesisoj, betimi I Ramës se do të angazhohet më luftën ndaj korrupsionit dhe do të krijojë institucione të pavarura është gënjeshtra e rradhës kur është ai penguesi kryesor i krijimit të SPAK?

Shfaqja e shëmtuar por e mirëllogaritur përpiqet të fshijë nga kujtesa e qytetarëve kalimin e 3 ligjeve me emra biznesi në kuvend dhe në kundërshti me Kushtetutën: ligji Fusha shpk për shkatërrimin e godinës së teatrit në këmbim të kullave, ligji për kompaninë kineze të lidhur me Olsi Ramën për portin e Karpenit dhe ligji për aeroportin e Vlorës.

Shqiptarët nuk kanë asnjë iluzion se cdo gjë është fasadë e propangandë, fatkeqësisht këtë po e kuptojnë dhe partnerët ndërkombëtarë. Ka një dhe vetëm një pengesë për integrimin e vendimit dhe është kjo qeveri dhe Edi Rama. Asnjë kontratë formale e fasadë nuk shërben për asgjë për sa kohë realiteti është ndryshe. /CNA.al





Lajmet e fundit nga