web counter
LEXO PA REKLAMA!

SHKARKO APP

App Store
Google Play

Tjetërsimi i tokës në bregdet/ 9 ish-zyrtarë nën akuzë

13 Korrik 2018, 14:35, Aktualitet CNA

Në Gjykatën e Rrethit Gjyqësor Kavajë u zhvillua të premten seanca paraprake e kalimit për gjykim të akteve të dosjes së Spillesë.

Sipas “TopChannel”, nën akuzë për tjetërsimin e tokës shtetërore në bregdet, ranishte dhe pyll, janë 9 ish-zyrtarë publikë vendorë, të cilët përmes shpërdorimit të detyrës dhe falsifikimit të dokumenteve kaluan në pronësi të shtetasve të ndryshëm sipërfaqe të konsiderueshme të bregdetit të Spillesë, në Kavajë.

Prokuroria e këtij Rrethi Gjyqësor nisi procedimin penal ndaj tyre që në maj të vitit të kaluar. Në bazë të hetimeve, Prokuroria e Kavajës vuri nën sekuestro fillimisht 36 ha, e pas verifikimeve edhe 22 hektarë të tjerë.

Kjo është çështja më e bujshme e hetuar nga organi i akuzës së Kavajës, për shkak të dëmit publik të shkaktuar dhe numrit të madh të të akuzuarve, ish-zyrtarë publikë në Zyrën e Regjistrimit të Pasurive të Paluajtshme në Kavajë dhe pranë Njësisë Administrative Kryevidh, në territorin e së cilës ndodhet e gjithë sipërfaqja e tjetërsuar e plazhit të Spillesë.

Së shpejti pritet që Prokuroria pranë Gjykatës së Rrethit Gjyqësor Kavajë të kalojë për gjykim edhe dosjen ndaj kryetarit të Bashkisë Rrogozhinë e punonjësve të kësaj bashkie për shpërdorim detyre dhe abuzime në plazhin e Spillesë, si dhe çështjen në ngarkim të biznesmenit Idlir Karkini, për pastrim produktesh të veprës penale e posedimin në mënyrë abuzive të 9.000 m2 në ish-Repartin Ushtarak, Poligonin e Qitjes në fshatin Rreth-Greth të Kavajës.





Lajmet e fundit nga