E fundit!

16:15 Aktualitet

Zaha Hadid Architects dhe Agi Kons prezantojnë "The Nest" dhe "The Cascades of Tirana" në Kodra e Diellit

Në zemër të Kodrës së Diellit, një prej zonave me zhvillim...

Mbytjet në plazhe/ Merren masa në Shëngjin

13 Korrik 2018, 13:10, Aktualitet CNA

Plazhi publik i Shëngjinit ofron siguri të shtuar këtë vit për të gjithë pushuesit që e kanë zgjedhur si destinacion të parë të pushimeve të tyre.

Në bashkëpunim me biznesin e zonës, në një vijë bregdetare rreth 2 Km janë ndërtuar 7 kulla vrojtimi, çdo 250 metra, të pajisura edhe më personel të trajnuar për t?u ardhur në ndihmë pushuesve në raste emergjente.

Për të inspektuar marrjen e këtyre masave të domosdoshme dhe përfundimin e këtij angazhim nga bizneset e zonës, ishin të pranishme edhe dy ministret, Lindita Nikolla dhe Sonila Qato të cilat kërkuan sensibilizimin e bizneseve për të shtuar standardet dhe sigurinë e kërkuar nga pushuesit në plazhet e gjithë vendit.

Ministrja Qato kërkoi nga biznesi t?i përgjigjen standardeve të kërkuara për një sezon me siguri të shtuar dhe me djem e vajza të mirëtrajnuar të cilët do të ofrojnë ndihmën e tyre të specializuar në raste rreziku, duke rritur kështu edhe aktivitetin e sipërmarrjes.

?Në 2 km plazh publik janë në shërbim të pushuesve të Shëngjinit, nga Tale tek Skaliera, 7 kulla vrojtimi të cilat në bashkëpunim me sipërmarrjen e zonës janë vënë në funksion gjatë këtij sezoni. Garantimi i sigurisë në plazhe këtë vit përforcohet me punësimin nga ana e sipërmarrjes të rojeve bregdetare të kualifikuar dhe të trajnuar nga Federata shqiptare të cilët plotësojnë standardet e kërkuara për sigurinë në plazh.

U bëj thirrje të gjithë sipërmarrjes në vend që operon pergjatë vijës bregdetare që gjatë këtij sezoni turistik të rrisin masat e sigurisë për pushuesit përmes plotësimit të kushteve të kërkuara me kulla vrojtimi dhe roje bregdetare të kualifikuar, kërkesa që jo vetëm garantojnë sigurinë por edhe rrisin aktivitetin e sipërmarrjeve gjatë sezonit turistik.?-theksoi ministrja Qato

Ndërkohë Shëngjini këtë vit ka edhe një kalendar të pasur me aktivitete rinore për të gjithë pushuesit i cili kanë nisur të zbatohet që në nisje të sezonit. Ndërkohë ministrja Nikolla bëri me dije edhe aktivitetin e radhës që pritet të zhvillohet pas pak ditësh.

?Pak ditë më vonë ne do të ngremë edhe një kamping për të rinjtë dhe të rejat e talentuara nga e gjithë Shqipëria tek Rana e Hedhun.? -nënvizoi Nikolla

Shërbimi Kombëtarë për Rininë ka hartuar një plan të qartë aktivitetesh si sportet të ndryshme ujore, gara noti, ngjitje në mal dhe aktivitete kulturore të cilat zbatohen në Lezhë, Vlorë dhe Korçë gjatë këtij sezoni turistik./CNA.al