Deklarim të rremë dhe i lidhur me krimin/ Një tjetër “peshk i madh” në Gjykatën e Lartë

13 Korrik 2018, 14:05, Aktualitet CNA

Gjyqtari Tom Ndreca është një ndër emrat e lakuar të drejtësisë shqiptare. Ai përballet sot me Komisionin e Pavarur të Kualifikimit, i cili përfaqësohet në këtë proces nga Brunilda Bekteshi, Roland Ilia dhe Firdes Shuli.

Sipas relatores, hetimi administrativ ka përfshirë kriterin e pasurisë dhe pastërtisë së figurës për Ndrecën.

?Hetimi paraprak administrativ përfshiu apartament 120 m katrorë, garazh 18 m katrorë te Muhamet Gjollesha, blerë në vitin 2003 per 2.4 mln lekë me burim krijimi të ardhurat nga paga, shitja e një apartamenti në Rrëshen dhe ndihma nga motrat dhe vëllezërit. Apartament 74 metra katrorë në Golem blerë në 2009 për 31 mijë euro me burim të ardhurat e familjes. Apartament 92 m katrorë te Komuna e Parisit blerë në 2015 për 6 mln lekë të ardhura nga paga. Automjet golf blerë nga e shoqja për 200 mijë lekë në 2012 me burim pagat. Depozitë bankare në emër të gruas 3 mln lekë me kursime nga paga. Depozitë personale në emër të djalit 1 mln lekë me kursime nga paga. Llogari rrjedhëse në emër të gjyqtarit 1.2 mln lekë me kursime nga paga. Të ardhura kesh 1.5 mln lekë nga paga?, shkruan Panorama.

Relatorja tha: Subjekti nuk ka deklaruar likuiditetet e gruas 1.5 mln lekë në bankë per 2016. Automjet në emër të djalit në vitin 2005. Shtesë likuiditeti 1.5 mln lekë në vitin 2006. Në deklaratën për veting subjekti nuk ka deklaruar pasuritë: likuiditete në tre llogari në emër të gruas e dy djemve në shumen totale 113 mijë lekë dhe një autoveturë tjeter në emër të djalit.

Bashkëshortja dhe dy fëmijët kanë deklaruar se nuk disponojnë pasuri ndërkohë që ky fakt nuk është i vërtetë. Ata kanë patur detyrim që ti plotësojne dhe deklarojnë këto pasuri edhe pse jo në shuma të konsiderueshme. Në përfundim KPK vlereson së deklarimi është i pasaktë për zotin Ndreca dhe jo në perputhje me ligjin.

KPK vlereson se subjekti ka mungesë të burimeve të ligjshme financiare për likuiditetin 1.8 mln lekë. Ka fshehje pasurie të luajtshme, një automjet. Ka pasaktësi dhe mospërputhje mes deklarimeve ndër vite me deklaratën për vetingun.

Lidhur me pastertinë e figurës, DSIK ka konstatuar përshtatshmëri për Tom Ndrecën. Hetimi paraprak administrativ ka rezultuar se me dt 11.7.2012. është lidhur një kontratë shitje automjeti mes shtetasit N.Gj. dhe motrës se tij, blerëses, gruas së Ndrecës.

N.Gj. eshte kunati i Tom Ndrecës dhe është anëtar i familjes dhe për shitjen e mjetit hyn në rrethin e personave të lidhur. Për shtetasin N.Gj. ka pasur informacione se ka precedentë penale. Ai është arrestuar ne 9.11.2011, është liruar 5.12.2011 i hetuar për prodhim dhe shitje narkotikësh.

KPK vlerëson se Tom Ndreca duhet ta kishte deklaruar kunatin N.Gj. në formularin e DSIK. Ai e ka fshehur këtë fakt. KPK vlerëson se Tom Ndreca ka kontakte të papërshtatshme dhe është i papërshtatshëm për vazhdimin e detyrës.

Tom Ndreca në hetimet administrative ka deklaruar se e ka ditur faktin që kunati është arrestuar pasi është kapur me kanabis. por tha se ?nuk ka pas dijeni se çfarë është bërë me hetimet e tij deri sa është njohur me pushimin e tyre.