Qeveria ka fshehur raportin që flet për ngecjen e gjyqësorit

18 Mars 2018, 17:40, Aktualitet CNA

Tre ekspertë janë angazhuar nga BE-ja për të vlerësuar kapacitetet e sistemit të drejtësisë. Pas hartimit raporti i tyre u është dorëzuar të gjitha institucioneve të drejtësisë në vend, përfshirë edhe Ministrinë e Integrimeve Europiane. Mirëpo çka ndodhur?

Deputetja e Kuvendit të Kosovës nga Lëvizja Vetëvendosje, Fitore Pacolli, ka thënë në një konferencë për shtyp se Qeveria po nxiton që ta shtyjë përpara Demarkacionin edhe pse dihet që kushti për liberalizimin e vizave nuk është vetëm Demarkacioni por edhe luftimi i korrupsionit dhe krimit të organizuar.

?Edhe pse Qeveria e Kosovës dhe Ministria e Integrimeve Europiane po pohojnë se tashmë ky kusht është përmbushur të njëjtën nuk po e thonë ekspertët e Bashkimit Europian?, ka thënë Pacolli e citur nga “Zeri.Info”.

Sipas saj, në shtator të vitit 2017 BE-ja ka angazhuar tre ekspertë që të bëjnë vlerësimin e kapaciteteve të sistemit të drejtësisë së Kosovës sa i përket luftimit të krimit të organizuar dhe korrupsionit në vend.

Po ashtu, ajo ka thënë se ky raport u është dorëzuar të gjitha institucioneve të drejtësisë në vend përfshirë edhe Ministrinë e Integrimeve Europiane.

?Këtë raport nuk ua kanë prezantuar as mediave, qytetarëve e as neve si deputetë të Kuvendit të Kosovës. Arsyeja që ky raport po mbahet i fshehur është për shkak të gjeturave që ka prezantuar ky raport. Ky raport konstaton që Kosova, pra sistemi i drejtësisë në Kosovë, ka dështuar në luftimin e korrupsionit dhe krimin e organizuar?, ka theksuar Pacolli.

Pacolli ka shtuar se në këtë raport gjyqësori konsiderohet të jetë joprofesional, i ndikuar politikisht si dhe i korruptuar.

?Sa i përket hetimeve penale ka hezitim në hetimin e kokave pra edhe kur ka hetim në nivelin e ulët e jo në nivelin e lartë të personave të përfshirë. Edhe ligji për konfiskimin e pasurisë së paligjshme nuk është adekuat. Raporti konstaton që ka mungesë të harmonizimit të ligjeve me ato të BE-s?, theksoi Pacolli.

Ajo ka përmendur se ky raport vjen pak ditë para se Kuvendi të sjellë votimin e demarkacionit në Kuvend dhe se nuk lë hapësirë për t?i besuar Qeverisë se liberalizimi i vizave do të ndodhë menjëherë pas ratifikimit të Demarkacionit.