web counter
LEXO PA REKLAMA!

SHKARKO APP

App Store
Google Play

Vetingu/ Hapen dosjet e masave disiplinore për gjyqtarët dhe prokurorët

18 Mars 2018, 09:36, Aktualitet CNA

Procesi i vetingut ka filluar të ngjallë ankth në radhët e gjyqtarëve dhe të prokurorëve. Për anëtarët e Gjykatës së Lartë dhe të Kushtetueses procedurat pothuajse kanë përfunduar dhe po bëhen verifikimet e fundit, ndërkohë që është thelluar procesi për kategoritë e tjera.

Një ditë më parë KPK nisi verifikimin për 36 kryetarë prokurorish dhe gjykatash në rrethe, ndërsa mësohet se për emrat që po kalojnë në sitë po kontrollohen të gjitha dokumentet që ndodhen në KLD apo në Prokurorinë e Përgjithshme.

KPK për të gjithë emrat që ka në verifikim ka kërkuar nga Këshilli i Lartë i drejtësisë që të dorëzojë të gjithë të dhënat që ka sa i takon masave disiplinore të ndërmarra vitet e fundit, të dhënat sa i takon procesit të vlerësimit të gjyqtarëve, por dhe dosjet sa i takon ankesave që janë bërë ndër vite për emrat në fjalë.

Po ashtu e njëjta kërkesë ka shkuar dhe për Ministrinë e Drejtësisë, ku dhe asaj i janë kërkuar të dhëna mbi inspektimet që ka bërë në gjykata dhe në prokurori, shkruan gazeta Sot.

E njëjta gjë ka ndodhur dhe me Prokurorinë e Përgjithshme sa i takon prokurorëve. Për KPK ka shumë rëndësi të shihet karriera në vijim e gjyqtarëve dhe prokurorëve.

Sipas raporteve ndër vite të KLD, rezulton se për gjyqtarët ka pasur rreth 2.5 mijë ankesa në total dhe bëhet fjalë për rreth 150 emra. Për të gjithë këta janë depozituar fakte dhe dokumente, pasi pretendohet se kanë dhënë vendime aspak të drejta. Një numër i ngjashëm ankesash ka qenë dhe për prokurorët.

Janë pikërisht këto ankesa kanë fundosur shumë emra, pasi kjo ka shtyrë komisionerët që të thellojnë hetimet për ata gjyqtarë apo prokuror që ka numër të madh denoncimesh.





Lajmet e fundit nga