web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër shans për Bashën?/ Ja si përgjigjet Majlinda Bregu

17 Mars 2018, 18:12, Aktualitet CNA

Ish-ministrja e Integrimit, Majlinda Bregu ka komentuar zhvillimet e fundit në Partinë Demokratike.

Në një intervistë në emisionin ?Oktapod? të Turjan Hyskës, Bregu ka thënë se sot Partia Demokratike është e përçarë, sot demokratët nuk kanë besim që lidershipi aktual i PD, i çon drejt një fitoreje dhe një marrje të pushtetit, ky është qëllimi kryesor i një force politike.

Ndërsa e pyetur nga gazetari Hyska, se pse nuk i jepni një tjetër shans Bashës, Bregu tha se; ?Unë, së bashku me kolegë të mitë nuk e besoj se i kemi fut shkopinj nën rrota Lulzim Bashës, apo si kemi dhënë një shans, që shumë prej nesh nuk do të donin t?ia linin më në dorë. Pra i referohem këtu garës së tij në procesin e vetëzgjedhjes si Kryetar i PD, vendosi që të shkulte të gjitha parimet dhe të gjitha forumet e partisë, e ta merrte vetë në dorë, të vetngrinte për një periudhë në verë meqë ishte shumë nxehtë, dhe pastaj të shkonte dhe të vetëzgjidhej përsëri. Nuk bëhet fjalë që nuk i japim ne shansin, shansin nuk ta japin kritikët, demokratët, apo njerëzit brënda forumit të partisë.?

Ish-deputetja e PD, u shpreh se shansin ta jep vota dhe fatkeqësisht me votë rezultati i zgjedhjeve të fundit parlamentare ka qene një rezultat katastofik për PD.

Gjithashtu Bregu deklaroi se zgjedhjet e kësaj radhe, jo vetëm që nuk respektojnë asnjë nga forumet dhe statutin e partisë demokratike, përsëri një shkelje e re, por nga ana tjetër janë vetëm një mundësi për të prezantuar një farsë më shumë që ka ndodhur gjatë këtyre viteve./ CNA.al





Lajmet e fundit nga