E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Zbardhet dosja/ Si u futën në kurth nga i infiltruari biznesmenët në Krujë?

17 Mars 2018, 15:46, Aktualitet CNA

Prokuroria për Krimet e Rënda ka mbyllur hetimet ndaj katër personave të akuzuar për tentativën e trafikimit të 166 kilogramëve kanabis drejt Turqisë.

Një agjent policie i infiltruar ka hedhur në erë planin e disa personave nga Fushë-Kruja për trafikimin e një sasie prej 166 kg kanabis drejt Turqisë. Gjithçka ka ndodhur në Janar të vitit 2017, kur agjenti fitoi besimin e tyre për të qënë transportuesi, shoferi i mjetit që lëvizte ngarkesën e drogës.

Ditët e fundit, Prokuroria për Krimet e Rënda ka mbyllur hetimet për këtë rast të dyshuar trafiku, duke dërguar për gjykim katër persona.
Ata do të përballen në gjykatë me akuzën e ?trafikut të narkotikëve?, mbetur në tentativë.

ABC News ka zbardhur detaje nga dosja hetimore, sipas të cilës prokuroria ka rënë në gjurmët e planit të trafikut drejt Turqisë nga përgjimi i telefonit të Amarildo Mulletit. Në vijim, në bashkëpunim edhe me agjencitë partnere, hetuesit kanë fotografuar takime të tij me një shtetas turk me emrin Davut në Shqipëri dhe Kosovë. Shtetasi turk është larguar dy ditë më pas drejt Stambollit përmes aeroportit të Rinasit. Ndërkaq, nga përgjimet telefonike ka rezultuar se të dyshuarit kërkonin një transportues për rrugën Shqipëri-Turqi.

Në këtë moment në lojë është futur agjenti i infiltruar.
Takimet mes tij dhe të akuzuarve janë përgjuar dhe zhvilluar në sytë e agjentëve të policisë.
I tillë ishte edhe ai i 26 Janarit 2017 në një lokal në segmentin Fushë Krujë-Vorë.

Në këtë kohë dy prej të dyshuarve kanë marrë mjetin e të infiltruarit për ta ngarkuar ngarkuar me lëndën narkotike në fshatin Arramenas të Fushë-Krujës. Ajo që nuk dinin ishte fakti se në mjet kishte transmetues satelitar GPS, si edhe përgjues që regjistroi bisedat mes tyre. Sipas prokurorisë, në këto biseda mes tyre është folur për destinacionin turk të lëndës narkotike.

Pas sjelljes së mjetit të ngarkuar me 166 kg kanabis ka ndërhyrë policia duke arrestuar të dyshuarit. Gjatë kontrolleve të të njëjtit operacion policor të koduar ?Koordinimi? në banesat e të dyshuarve dhe personave të tjerë të hetuar të veçuar u bllokua një sasi prej 400 kg lëndë narkotike dhe disa armë automatike.