web counter
LEXO PA REKLAMA!

SHKARKO APP

App Store
Google Play

 Diplomatët në skanerin e verifikimit të së shkuarës

17 Mars 2018, 16:20, Aktualitet CNA

Nëse deri më tash nuk kanë qene të përfshirë në kontigjentin e zyrtarëve të listuar për tu verifikuar të shkuarën, në vijimësi diplomatëve kosovarë do tu hiqet ky “status” për t’ju lenë në dorë institucioneve kompetente hetimin e së shkuarës së tyre.

Lajmin e kanë bërë të ditur mediat kosovare, sipas të cilave Agjencisë Kosovare për Inteligjencë, së shpejti do t?i shtohet numri i zyrtarëve të shtetit të cilët duhet të hyjnë në listën e personave që do t?u verifikohet e kaluara.

Burime të RTV Dukagjini kanë bërë të ditur se Ministri i Jashtëm Behgjet Pacolli, ka marrë vendim që në procesin e verifikimit të hyjnë i tërë stafi diplomatik që shërben jashtë vendit, duke përfshirë edhe ambasadorët, por edhe tërë punonjësit tjerë të MPJ-së, që janë aktualisht në Prishtinë.

Të njëjtat burime kanë treguar se deri të ky vendim ministri Pacolli ka ardhur për shkak të fushatës së egër të Serbisë kundër Kosovës në marrëdhëniet me jashtë dhe rritja gjithnjë e më e madhe e ndikimit rus në Ballkanin Perëndimor.

Sipas tij, ky proces është vlerësuar si i domosdoshëm në masën e kundërpërgjigjeve ndaj kësaj fushate. Burimet e besueshme mes tjerash kanë bërë të ditur se për këtë arsye ditë më parë është zhvilluar një takim mes ministrit Pacolli dhe drejtorit të AKI-së, Driton Gashi si dhe zyrtarëve tjerë të inteligjencës kosovare.

Ndërkohë, drejtues të Ministrisë së Punëve të Jashtme nuk e kanë mohuar e as pohuar mundësin për një proces të tillë.

 





Lajmet e fundit nga