E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Krimet e Rënda i bëjnë gati prangat/ Zbulohet pasuria e gjyqtarit të skedinave

18 Mars 2018, 15:46, Aktualitet CNA

Korrupsioni është një nga problemet serioze në sistemin e drejtësisë shqiptare.

Pasurimi i shpejtë brenda një kohe të shkurtër, i bartësve të institucioneve të drejtësisë, në opinionin publik, përkthehet si korrupsion.

Teksa marrin paga të barabarta, disa nuk ia dinë skajin pasurisë dhe në mjaft raste nuk mund ta justifikojnë, ndërsa disa të tjerë jetojnë me qira, me kredi apo janë të pastrehë.

Reforma në drejtësi, pritet që të largojë gjyqtarët dhe prokurorët e inkriminuar dhe t?i dërgojë ata në bankën e të akuzuarve.

CNA.al vijon të sjellë deklarimet e pasurive të gjyqtarëve dhe prokurorëve, të cilët po kalojnë në filtrin e Vetingut apo janë edhe nën hetime nga organi i akuzës.

Kliton Spahiu gjyqtari i Apelit të Durrësit është njëri prej tyre.

Spahiu sëbashku me dy gjyqtarë të tjerë të Gjykatës së Apelit Durrës janë pezulluar nga detyra, nga Këshilli i Lartë i Drejtësisë, me datë 9.02. 2018.

Kliton Spahiu me dy kolegë të tij, dyshohen se kanë përfituar bileta udhëtimesh për në Madrid për të parë ?El Classicon? e dy viteve më parë.

Në media është raportuar se treshja e gjyqtarëve janë sponsorizuar nga një person që gjendej në gjykim në Gjykatën e Apelit.

Prokuroria e Krimeve të Rënda ka ngritur dyshime të forta se udhëtimi i Spahiut me dy kolegët, drejt Spanjës është paguar dhe financuar nga një person që gjyqtarët e kishin në proces gjykimi.

Prokuroria pretendon se nëpërmjet kartës së kreditit të personit nën hetim është paguar hoteli i ku kanë fjetur tre gjyqtarët në Spanjë.

Sipas Prokurorisë, është vërtetuar nëpërmjet letër-porosisë se hoteli është paguar nga karta e kreditit të një personi që gjyqtarët e kishin në proces gjykimi.

Bëhet fjalë për një proces civil dhe tre gjyqtarët kanë marrë vendim pro personit që ka paguar hotelin me kartë krediti.

Gjyqtari Kliton Spahiu është emëruar në Apelin e Durrësit pas disa vitesh karrierë në Gjykatën e Kurbinit.

Në deklaratat e pasurisë së dorëzuara në Inspektoriatin e Lartë të Deklarimit dhe Kontrollit të Pasurive rezulton, se gjyqtari Kliton Spahiu ka raportuar disa skedina fituese për të justifikuar pasurinë.

Mediat kanë raportuar më herët se ai ka deklaruar, se ka fituar në total 2 791 676 lekë dhe 4246 dollarë prej llotove sportive në vitet 2012-2014.

Ndërsa, referuar formularit të deklarimit të pasurive për vitin 2016 rezulton se Kliton Spahiu, mbahet me pagën e tij, me pagën e bashkëshortes dhe të ardhurat që merr nga qiraja.

Spahiu ka deklaruar para cash gjendje më vlerën 600.000 lekë, të kursyera nga të ardhurat e bashkëshortes si notere.

Gjithashtu ai ka deklaruar pagën e tij në shumën 1.388.544 lekë, të ardhurat nga paga si notere, të bashkëshortes në shumën 722.335, interesa nga bono thesari në vlerën 13.400 lekë, të ardhura nga qiraja e zyrës në shumën 120.000 lekë, si dhe të ardhura nga paga e bashkëshortes se jurist në A&Y Auditing, në vlerën 79.920./CNA.al