E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

Korrupsioni në administratë/ Ngrihen strukturat për infiltrimin e spiunëve

18 Mars 2018, 10:31, Aktualitet CNA

Qeveria ka filluar infiltrimin e spiunëve në administratë për të zbuluar aferat e korrupsionit. Sipas informacioneve, të gjitha ministritë kanë miratuar një rregullore përmes së cilës do të ngrihen departamente të posaçme me qëllim zbulimin e rasteve korruptive.

Duke qenë edhe institucioni përgjegjës për këtë çështje, Inspektorati i Lartë i Deklarimit dhe Kontrollit të Pasurive (ILDKP) urdhëroi ngritjen e këtyre strukturave, por hasi në vështirësi dhe vonesa.

Gazeta Sot ka siguruar dje një rregullore për infiltrimin e spiunëve, apo siç quhen ndryshe ?bilbilfryrës?, në të gjitha ministritë, ndërsa pritet që këto grupe pune të ngrihen kudo në administratë dhe bizneset private.

Rregullorja përmban 9 nene për hetimin administrativ të sinjalizimit dhe mbrojtjen e konfidencialitetit në ministri, ku ndër të tjera përcaktohen edhe disa nga të drejtat e spiunëve gjatë ushtrimit të detyrës së tyre.

Në rast se ?bilblifryrësi? dyshon për korrupsion, ai mund të vëzhgojë sende, vende dhe dokumentacione.

?Njësia Përgjegjëse dokumenton çdo veprim që kryen gjatë hetimit administrativ. Dokumentet e nevojshme për hetimin administrativ merren apo pranohen pa pagesë. Njësia Përgjegjëse ka të drejtë të këqyr sende, vende apo dokumentacion me qëllim fiksimin dhe dokumentimin e veprimeve apo të pasojave të veprimtarisë apo praktikës së dyshuar të korrupsionit. Në raste të veçanta, kur Njësia Përgjegjëse vlerëson se ekzistojnë rrethanat për manipulimin apo asgjësimin e dokumenteve shkresore, punonjësit bllokojnë dokumentacionin apo mjetet e tjera provuese?, thuhet në rregullore.

Po ashtu, në rregullore janë të shpjeguara edhe disa parime që ILDKP duhet të ketë parasysh gjatë hetimit administrativ. Inspektorati i Lartë i Deklarimit dhe Kontrollit të Pasurisë duhet të marrë të gjitha masat e përshtatshme për të mbrojtur dokumentet dhe provat që faktojnë aferën korruptive të denoncuar nga spiuni, si edhe duhet të ruajë konfidencialitetin e informacionit.

Nga ana tjetër, aty theksohen edhe rastet kur sinjalizuesi ka të drejtë të ?spiunojë? drejtpërdrejt rastin korruptiv tek ILDKP. Konkretisht, ?bilbifryrësi? mund të sinjalizojë veprën e dyshuar të korrupsionit kur njësia përgjegjëse nuk fillon hetim administrativ ose e mbyll këtë hetim në kundërshtim me ligjin.

Sipas rastit, person i lidhur ka të njëjtin kuptim me përcaktimet e bëra në ligjin për tregtarët dhe shoqëritë tregtare ose ligjin për parandalimin e konfliktit të interesave në ushtrimin e funksioneve publike; ka arsye të tjera të bazuara për të dyshuar në integritetin dhe paanshmërinë e Njësisë Përgjegjëse në shqyrtimin e sinjalizimit; prova e sinjalizuesit, në lidhje me veprimin ose praktikën e dyshuar të korrupsionit, mund të fshihet ose të shkatërrohet nga organizata?, janë disa nga rastet e tjera të përcaktuara në rregullore.