web counter
LEXO PA REKLAMA!

SHKARKO APP

App Store
Google Play

E fundit!

x

Riaktivizohet pakti i 18 majit/ Basha tradhëton sërish demokratët  

18 Mars 2018, 13:26, Aktualitet CNA

Marrëveshja e 18 majit 2017 mes kryeministrit Edi Rama dhe liderit të opozitës Lulzim Basha duket se ekziston.

Edhe pse demokratët akuzuan kryeministrin se ai i ngriti kurth kryetarit të tyre, ditët e fundit po jepen sinjale se në 1 vjetorin e këtij pakti, palët vijojnë të kenë koordinime mes tyre.

Ditët e fundit janë dhënë mjaft sinjale se Rama e Basha po riaktivizojnë paktin e vjetër. Të enjten Kuvendi u mblodh në seancë plenare dhe mes shumë vendimesh, u përzgjodhën komisionerët e avokatit të popullit.

Votimi kaloi në heshtje, ndërsa dhe emrat e përzgjedhur mbetën në hije.

Sipas gazetës Sot, PS dhe PD kanë gjetur dakordësinë në mënyrë të fshehtë mes tyre, pasi kandidatët u përzgjodhën në unison.

Në seksionin për mbrojtjen dhe promovimin e të drejtave të fëmijëve Kuvendi votoi me 113 vota pro, 4 kundër dhe 1 abstenim kandidaturën e znj. Neila Peka.

Në seksionin e mekanizmit kombëtar të parandalimit të torturës Kuvendi, me 112 vota pro, 3 kundër dhe 2 abstenim, miratoi kandidaturën e znj. Ermonela Xhafa.

Institucioni i Avokatit të Popullit ishte pjesë e marrëveshjes Rama-Basha. Atë kohë PS vendosi të emërohej Erinda Ballanca, e propozuar nga PD.

Por pakti ka vijuar dhe për përzgjedhjen e komisionerëve. PS në Parlament ka vetëm 74 deputetë plus dhe 3 vota të PDIU dhe 1 të Tom Doshit, pra shkon në 78. Por zonjat kanë marrë mbi 100 vota dhe kjo është arritur falë konsensusit të PD. Ky është treguesi i parë i marrëveshjes.

Treguesi i dytë janë emrat e përzgjedhur. Zonja Ermonela Xhafa, është vajza e Muharrem Xhafës, kreu i Partisë Komuniste. Ajo momentalisht mbante postin e kryetares së Zyrës së Bashkëqeverisjes në Kryeministri. Po ashtu ajo ka punuar si këshilltare për një kohë të gjatë në Ministrinë e Drejtësisë.

Emri i dytë është, Neila Peka, e cila është nusja e djalit të Maxhun Pekës, i cili ka mbajtur postin e Sekretarit të Përgjithshëm në Kryeministri kur kryeministër ishte Sali Berisha.

Pra sinjalet janë se palët kanë ranë dakord që një anëtar të jetë në një farë mënyre i mbështetur nga PS dhe tjetri nga PD. Nëse kthehemi pas në kohë, për komisionerët ka pasur debate shumë të forta në Komisionin e Ligjeve, por ujërat janë qetësuar dhe palët tregohet qartë se kanë gjetur unisionin, duke dhënë sinjale se pakti Rama-Basha funksionin dhe ka nisur të riaktivizohet.

Edhe bashkimi i votave për komisionerët e Avokatit të Popullit është një tregues i paktit Rama-Basha.





Lajmet e fundit nga