E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Sekretarja e PD tregon se kush e shkatërroi ADN-në e partisë

18 Mars 2018, 10:03, Aktualitet CNA

Pas konferencës për shtyp të kryetarit të Partisë Demokratike, Lulzim Basha, ditën e djeshme ka reaguar anëtarja e kryesisë, njëkohësisht dhe sekretarja PD-së, Endira Bushati.

Në një postim në rrjetet sociale, Bushati shkruan se priste një shpjegim nga Basha, pse u firmos shfuqizimi i 20 shkurtit si datë përkujtimore.

Bushati në shkrimin e saj, ka hedhur dyshime se mes deputetëve të cilët, firmosën pro heqjes së 20 shkurtit si datë përkujtimore, gjenden dhe tre votat pro zgjedhjes së Gramoz Ruçit, si kryetar Kuvendi.

Ndërsa këtë e ka quajtur një skandal, Bushati shkruan se Basha ka vendosur të heshtë, njësoj siç ka heshtur për çdo skandal të deputetëve të tij.

Statusi i plotë i Endira Bushatit:

KUSH E DO PARTINË DEMOKRATIKE NË KËTË GJENDJE?

Sot, gjatë konferencës për shtyp të Lulzim Bashës, prita një ndjesë…të paktën një shpjegim…

Disa deputetë të PD-së kishin firmosur për shfuqizimin e 20 Shkurtit si Datë Përkujtimore.

Skandalin e zbuloi media dhe PD doli me deklaratë për tërheqjen e nismës.

Por, ky akt i rëndë, nuk mund të mbyllet kështu!

Dhe Lulzim Basha kishte detyrimin për të shpjeguar:

Si ka mundësi që, 9 deputetë të Partisë që rrëzoi komunizmin propozojnë që 20 Shkurti të fshihet nga memoria e shqiptarëve???

Si ka mundësi që 9 deputetë kësaj partie, duke propozuar që 20 Shkurti të mos përkujtohet më, duan të zhdukin pamjet e rrëzimit të bustit të Enver Hoxhës nga televizionet, gazetat e librat për brezat që vijnë???

Si ka mundësi që 9 deputetë të PDsë duan të zhvlerësojnë popullin e Tiranës që u derdh rrugëve në atë ditë historike???

Mos ndoshta mes këtyre 9 deputetëve, gjenden edhe ata 3 vota pro Ruçit???

Unë e besoj që disa nga deputetët propozues, sidomos ata me eksperiencë politike, e kanë hedhur firmën pa e lexuar….nga neglizhenca apo besimi i tepruar…

E pafalshme kjo për një deputet, aq më tepër të opozitës!

Por këta deputetë, mes sikletit për të pranuar që hedhin firma pa lexuar dhe turpit për një propozim të tillë, duhet të zgjedhin të thonë të vërtetën…mbi të gjitha si detyrim ndaj demokratëve që i kanë votuar ndër vite!

Për më tepër, duhet të dalë kush ka qenë iniciuesi i një propozimi të tillë!

Sepse….nëse është e vërtetë siç thuhet, që iniciuesi është një nga këta ?Republiksit e Rinj? për të cilët Lulzim Basha është krenar, atëherë nuk është dhe aq gabim sa thuhet….

A mundet që një deputet i ri, që me ligjbërjen nuk ka lidhje, të ?marrë para? nënkryetarët e PDsë për të fshirë 20 Shkurtin??????

Apo ?Republika e Re? ka nevojë dhe për Data të Reja???

Fundja, po ta mendosh thellë, a e përkujtoi Partia Demokratike 20 Shkurtin e këtij viti???

Lulzim Basha edhe sot heshti!

Siç heshti për 3 votat për Ruçin, dhe për çdo skandal tjetër që prodhojnë deputetët e tij personalë të Republikës së Re…

Kështu, dalëngadalë e në heshtje, Lulzim Basha e ka lënë PDnë pa ADN e vet natyrale, duke e kthyer në një sekt arrivistësh qesharakë që i ngjajnë çdo ditë e më shumë Mjaftit të dikurshëm!

Kush e do Partinë Demokratike në këtë gjendje??

Le t?i përgjigjemi kësaj pyetjeje dhe pastaj do të kuptojmë Lulzim Bashën…

E pastaj të mos çuditemi nëse ndonjë çift deputetësh propozojnë Mesnatën e 17-18 Majit si Datë Historike…. /CNA.al