web counter
LEXO PA REKLAMA!

SHKARKO APP

App Store
Google Play

Deklarata e Berishës ndaj Artur Meçollarit/ Koçi: Presion ndaj Presidentit

26 Shkurt 2018, 21:16, Aktualitet CNA

Deklarata e ish-kryeministrit Sali Berisha, se Artur Meçollari, i cili është pjesë e delegacionit shqiptar në negociatat me Greqinë është spiun, është kthyer në një mollë sherri në politikë dhe jo vetëm.

Zëvendësministri i Mbrojtjes, Petro Koçi, nëpërmjet emisionit “Studio e hapur” ka përgënjeshtruar deklaratën e ish-kryeministrit Sali Berisha. Koçi tha se kjo deklaratë e Berishës është një presion i madh dhe i hapur ndaj Presidentit të Republikës, për të ngurruar në firmosjen e plotfuqishmërisë për grupin negociator, gjë që i hap rrugë fillimit zyrtar të negociatave me Greqinë.

?Kjo është një deklaratë jo serioze, por është serioze sa i takon interesit dhe prapavijës politike. Kjo deklaratë është një presion i madh dhe i hapur ndaj Presidentit të Republikës, për të ngurruar në firmosjen e plotfuqishmërisë për grupin negociator, gjë që i hap rrugë fillimit zyrtar të negociatave me Greqinë. Tashmë reagon PD dhe Berisha, si një fajtor i kapur në flagrancë, pasi nëse ka një njeri që mban përgjegjësi për ketë proces është ai, sa i takon marrëveshjes së vitit 2009.

Problemi tjetër është se Berishës dhe PD nuk i intereson të arrihet një marrëveshje e re, pasi kjo do vërtetonte se marrëveshja e mëparshme ka cënuar interesat tona kombëtare?, – u shpreh zv.ministri i Mbrojtjes Petro Koçi. /CNA.al





Lajmet e fundit nga