web counter
LEXO PA REKLAMA!

SHKARKO APP

App Store
Google Play

Alarmon Prokurori i Antimafias/ Policia e Shtetit e lidhur me mafian

26 Shkurt 2018, 10:23, Aktualitet CNA

Prokurori Kombëtar italian  i antimafias dhe Antiterrorizmit, Federico Cafiero De Raho, pas takimit me kryeprokuroren Arta Marku, ka konfirmuar se po kryhen hetime të përbashkëta mes dy shteteve, për raste të caktuara.

Grupet shqiptare kriminale sipas tij po drejtojnë trafikun  e drogës në Itali.

?Kemi zhvilluar hetime të përbashkëta dhe ashtu kemi vlerësuar edhe rezultatet për këto hetime. Kemi bërë hetime domethënëse që evidentojnë ndër të tjera bashkëpunimin që kemi pasur me Shqipërinë?, është shprehur Cafiero De Raho.

Më tej ai ka vlerësuar procesin e vetingut ne polici, pasi sipas tij ky proces do të elimojë lidhjet e policisë me grupet kriminale.

?Trafiku i kanabisit është shqetësim për Italinë. Këtë  e thamë edhe në takimin me Ministrin e Brendshëm. Shumë  hetime janë çuar përpara, po ashtu është krijuar dhe një task force, por pjesa më e madhe e kanabisit që mbillet në Shqipëri shkon në Itali. Largimi punonjësve të policisë që mund të kenë bashkëpunuar me grupet kriminale është një sinjal poziv në luftën ndaj trafikimit të lëndëve nakortike?, ka thënë më tej kreu i antimafias.

Ai ka hequr paralele mes Shqipërisë dhe Italisë, duke tregur se si është forcuar mafia në Itali dhe duke dhënë alarmin se e njëjta gjë ka ndodhur edhe këtu.

?Mafia në Itali ka qenë e fortë dhe ka arritur që të mbledh pranë vetes policë të shtetit.  Për të arritur rezultatet në luftën ndaj krimit të organizuar është nevojshme që të krijohet një strukturë shumë e besueshme dhe të individualizosh të gjithë ata njerëz që janë të besueshëm?, ka sugjeruar kreu i antimafias./CNA.al





Lajmet e fundit nga