web counter
LEXO PA REKLAMA!

SHKARKO APP

App Store
Google Play

Grabitja e pronave në Spille/ PS, presion për shkatërrimin e provave

26 Shkurt 2018, 08:38, Aktualitet CNA

Partia Demokratike ka reaguar në lidhje me pronat e grabitura të Spillesë.

Në një deklaratë për mediat,  PD thotë se zyrtarë të lartë të administratës në Kavajë, të emëruar nga Partia Socialiste, po bëjnë përpjekje per të prishur provat e korrupsionit me pronat e grabitura të Spillesë.

Sipas Partisë Demokratike,  drejtoresha e Hipotekës, Matilda Peza, po u bën presion punonjësve të Hipotekës për të mbuluar aferat korruptive që janë bërë atje gjatë periudhës kur ky institucion drejtohej nga familja e saj, babai Aqif Peza, i dënuar me vendim gjykate për shpërdorim detyre dhe djali i tezes, Asim Arkaxhiu, aktualisht nën hetim për skandalin e Spillesë.

Gjithashtu në deklaratë thuhet se ?Punonjësit e Hipotekës, që denoncuan pranë Partisë Demokratike presionin e paligjshëm të eprores së tyre Matilda Peza, thanë se babai i saj Aqif Peza tani është avokat i djalit të tezes, Asim Arkaxhiu, ish – Rregjistrues i Kavajës, i përfshirë në skandalin e pronave të Spillesë.?

Ndër të tjera, PD thekson se dënon presionin e drejtoreshës së Hipotekës së Kavajës për të prishur hetimet ndaj djalit të tezes se saj dhe për të mbuluar vendimet korruptive të babait të saj gjatë drejtimit të Hipotekës së Kavajës.

?Ky është një rast flagrant që dëshmon se tepsia e pushtetit jo vetëm nuk është çuar për skrap, por është bërë me e madhe për pushtetarët që vjedhin pasuritë e shqiptarëve.?- thuhet ne njofimin për shtyp të PD./ CNA.al





Lajmet e fundit nga