web counter
LEXO PA REKLAMA!

SHKARKO APP

App Store
Google Play

E fundit!

x

Dosja e Spillesë/ Pse Basha hesht dhe nuk reagon?!

25 Shkurt 2018, 17:10, Aktualitet CNA

Prej disa ditësh, në media, opinion publik dhe arenën politike është ndezur debati i tjetërsimit të pronave në Spille, skandal në të cilin po rezultojnë të përfshirë zyrtarë të lartë të kohës së PS-së.

Për përfshirjen në këtë skandal dhe aferë korruptive, gjykata ka lënë në burg disa zyrtarë dhe punonjës në hipotekë. Nën akuzë është edhe kryebashkiaku i Rrogozhinës Beqir Nuredini si dhe biznesmeni Idlir Karkini. Ndonëse skandali është bërë publik, po flet policia, drejtësia etj, Lulzim Basha, kryetari i opozitës së vendit, që në një realitet normal duhet të fliste dhe të kryqëzonte qeverinë, hesht.

Ndërsa çdo ditë dalin detaje të reja, tjetërsime e privatizime të kundërligjshme tokash në bregdet, Lulzim Basha ka zgjedhur heshtjen. Ngrihet pyetja pse po hesht Lulzim Basha?!

Ndërkohë që është shprehur hapur për luftën kundër korrupsionit, kundër qeverisë, sot që ka një rast shumë flagrant dhe mund ta kishte kryqëzuar qeverinë, ka zgjedhur të hesht. Drejtësia flet dhe thotë fjalën e saj, Luli hesht sikur të mos kishte ndodhur asgjë.

Duke parë heshtjen e Lulzim Bashës, ngrihen dy dyshime, ose njerëz pranë Bashës janë të përfshirë në këto afera e skandale, ose dikush ia ka mbyllur gojën atij me para.

Pse Basha hesht dhe nuk reagon?! /CNA.al





Lajmet e fundit nga