E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

“Fundi i marrëzisë” dhe çmenduria e Edi Ramës me lojërat e fatit

24 Shkurt 2018, 13:48, Aktualitet CNA

Rreth pesë vite më parë kryeministri Edi Rama, njoftoi përfundimin me sukses të një operacioni kundër lojërave të fatit në Shqipëri.

Gjithashtu në atë kohë fitorja u shoqërua me një propagandë të gjërë mediatike dhe në opinionin publik u perceptua si një betejë e drejtë e Qeverisë kundër një plage të shoqërisë shqiptare.

CNA.al pas pesë vitesh ka bërë një bilanc të kësaj Qeverie, se çfarë ndodhi në të vërtetë me bastet dhe lojërat e fatit.

Kryeministri Rama pati deklaruar, se askush nuk do të ndalë nismën ndaj mbylljes së lojërave të fatit, madje nuk do t?i lejonte që të operonin as në mënyrë legale.

?Askush dhe për asnjë arsye nuk do të mundet dot ta ndalë këtë nismë që nuk është aksion, as sezon, po nismë që do të quhet e kryer kur vendi dhe shqiptarët nuk do të lënë më asnjë qindarkë në kumar. Ky nuk mund të jetë as legalisht aktivitet i së ardhmes së vendit. E ardhmja e vendit nuk mund të ketë asgjë të përbashkët me bixhozin?, pati deklaruar Rama, me 25 tetor 2013, një jave pas fillimit të operacionit.

Rama pati thënë, se nuk do të ketë lojëra fati, por sot njëjtat janë hapur sërish në të gjithë vendin. Për më tepër janë shtuar pikat e basteve.

Sot llogariten 3500 pika bastesh në Shqipëri të certifikuara dhe që paguajnë taksa në shtet. Që i bie se në çdo njësi bashkiake janë 58 pika bastesh, ndërsa në Tiranë llogariten me qindra të tillë, ndërsa nuk mungojnë në çdo fshat dhe në çdo cep të Shqipërisë.

Ndërkohë, CNA.al (CityNews Albania) mëson se janë rreth 150 salla kazinosh, apo thënë ndryshe nga dy deri në tre kazino për çdo qytet, ku vetëm në Tiranë, janë disa dhjetra të tilla.

Nga ana tjetër është koncesioni i mirëmbajtjes së lojërave të fatit i cili kap vlerën e 1.8 milion euro në vit, i dhënë për një afat kohor prej 30 vitesh dhe që ka të bëjë me xhirot që kanë kompanitë.

Xhirot e kompanive janë xhepat e shqiptarëve.

Ndërkohë Edi Rama me operacionin ?Fund i i marrëzisë?, bllokoi bastet online, por në fakt i drejtoi dhe shtoi pikat e basteve, që të mos luajnë nga celulari, por në llotot e lagjeve, të cilat kanë mbirë si këpurdhat pas shiut.

Del nga supermarketi ke një lloto, del nga kafja e nga puna ndeshesh me një lloto, del nga gjimnazi ke një lloto dhe kazino, del nga universiteti ke një kazino. Kudo ku shkon në çdo lagje apo qendër të banuar gjen lloto dhe kazino.

Kryeministri tha, se do t?i mbyllte, por nuk ka bërë gjë tjetër vetëm i ka shtuar.

Rama premtoi, se do ta shëronte këtë sëmundje të shqiptarëve, por vitin e shkuar Ministria e Financave ka mbledhur 50 përqind më shumë të ardhura nga lojërat e fatit, se në vitin 2013, duke shënuar kështu një rekord historik.

Këto të ardhura mund të vijnë nga formalizimi i tregut, por vijnë dhe nga shumat e mëdha të parave që lënë shqiptarët.

Operacioni ?Fundi i marrëzisë? së Edi Ramës ishte thjesht fillimi i çmendurisë për të përhapur në çdo qelizë të shoqërisë, bastet dhe kazinotë. Faktet emësipërme flasin vetë.

3500 pika bastesh,150 kazino, 30 vjet koncension për ti kontrolluar ato, tregon se Rama nuk ka pasur kurrë në mend t?i mbyllë, por vetëm t?i hap dhe t?i zhvillojë.

Në fund gjithçka i shërben klinetelës së tij dhe operacioni ?Fundi i marrëzisë? ishte fillimi i çmendurisë, që vetëm ka shtuar, thelluar e rënduar në xhepat e qytetarëve./CNA.al