web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama, pesë vjet me vonesë

24 Shkurt 2018, 11:39, Aktualitet CNA

Në Berat dje dhe sot në 24 orë, kryeministri Edi Rama nuk ka bërë gjë tjetër, veçse ka folur për bujqësinë, për serat dhe për mbjelljen e pemëve frutore dhe arrorë.

Kujtojmë këtu se më shumë se pesë vite më parë, ish kryeministri Sali  Berisha, fliste për arrorët, PS dilte në konferenca dhe tallej, ndërsa sot Rama e thotë të njëjtën gjë në Berat.

“Projekti i ullirit dhe arroreve po ecin çdo ditë e më shumë. Jam i bindur se prodhimi në bujqësi sot mund të 10 fishohet. Shumëfishim i i prodhimeve bujqësore është synimi ynë. Shqipëria është vend i përshtatshëm për zhvillimin e Bujqësisë, ka ujë, tokë dhe dielli shkëlqen gjatë gjithë vitit”, ka deklaruar ish kryeministri Sali Berisha me 11.01.2012, gjatë mbledhjes së Qeverisë.

Gjithashtu, pesë vite më parë Qeveria e Berishës këmbëngulte dhe filloi projektin aksit qëndror rrugor Elbasan-Berat, por Rama u tall dhe sot pas pesë vitesh në pushtet jo vetëm që nuk ka bërë asnjë centimetër të këtij aksi, por ende nuk  e ka përfunduar për shkak të paftësisë së tij.

Rama në Berat, foli për HEC-et, kanionet dhe turizmin, por në fakt kanë qenë ministrat e  tij që kanë dhënë HEC-e, në zonën e kanioneve.

Ndërsa fliste për turizmin, Rama harroi të theksojë se gjatë qeverisjes së PD, në Berat, ka pasur një prioritet investimesh dhe jo vetëm nga ato që  ai deklaron, sot si të vetat, por që në fakt janë vepra e tjetër kujt.

Kryeministri foli në Berat për guroren  dhe pyllëzimin, a thua se se nuk ishte në pesë vitet e shkuara në pushtet  dhe nuk i pa guroret e shkatërruara në Malin e Tomorit dhe  nuk e pas s?e çfarë ndodhte me shfrytëzimin e tyre.

Rama tregoi histori me të papunë, me të rinj që s?duan të punojnë, thotë se fabrikat janë bosh dhe presin punëtorë, ndërsa në 2013 ?n, thoshte se Shqipëria kishte një milionë të papunë dhe do të dy apo tre-fishohej ndihma ekonomike.

Por, sot i heq nga skema dhe me paturpësinë më të madhe nuk kërkon ndjesë  që të pranojë se pesë vite më parë, ka gënjyer për punësimin.

Në  fakt në Berat, Rama ka edhe një premtim të tij të pambajtur që nuk fillon dhe nuk mbaron tek Berisha dhe ish qeverisja e PD-së, si gjithçka tjetër që foli këto dy ditë.

Ishulli në Osum ende s?ka filluar, ndoshta është tërhequr, ose kur shkon në Berat i kujtohet Ilir Meta dhe Skrapari afër e shikon ëndërra me Presidentin dhe  kështu harron ishullin e  tij të premtuar për banorët e  Beratit./CNA.al





Lajmet e fundit nga