web counter
LEXO PA REKLAMA!

SHKARKO APP

App Store
Google Play

Shënim/ Nga dhuna e Veliajt tek Basha dhe klientela korruptive mediatike

23 Shkurt 2018, 17:56, Aktualitet CNA

Lulzim Basha, foli sot për Robert Rakipllarin i cili është klientela e Bashkisë së Tiranës. Shumë mirë që më në fund Basha reagon, por më shumë se Rakipllarin, Veliaj, ofendoi Ornela Liperin, e cila është dy herë e dhunuar, si gazetare dhe si femër, nga një bandit në krye të Bashkisë së Tiranës.

Basha foli për “dhunimin” dhe presionin e ushtruar nga kryebashkiaku në studio live, një kryebashkiak ndaj të cilit, për mendimin tonë, të gjithë gazetarët duhet të mblidhen, të protestojnë dhe ta “pështyjnë” në surrat kudo që ndodhet.

Por ka disa të vërteta të dhimbshme, edhe për Lulin apo për Robertin e klientelës korruptive të Bashkisë Tiranë.

Së pari Rakipllari, prej gati 20 vitesh, më shumë se gazetari është agai i dy mediave klienteliste të qeverisë, të pushtetit të Fatos Nanos, të pushtetit të Ilir Metës, Sali Berishës, Erion Veliajt, Edi Ramës, dhe kujtdo që ka qenë në krye të drejtimit të vendit.

Nuk është gazetari i terrenit, nuk është gazetari që e merr rrogën një herë në tre muaj, nuk është gazetari i keqpaguar, përkundrazi, është milioneri, që nëpërmjet medias i ka siguruar vetes pushtet ekonomik dhe politik, prej së dytës i keqpërdorur sa nga partitë aq edhe nga efendinjtë.

Në fakt Luli, bëri mirë që reagoi, por njësoj duhet të kishte reaguar edhe për raportin e Amnesty International, që fliste për dhunën ndaj gazetarëve gjatë vitit 2017 në Shqipëri. Luli nuk foli për atë, por vëmendjen e çoi tek klientela korruptive e medias dhe ata që paguhen qindra milionë lekë për t’i shërbyer çdo pushteti politik që shkon e vjen. Këta në fakt janë oligarkët e gazetarisë, janë ata që nuk njohin mediat, por xhepat e tyre, që fillojnë nga pronarët mediatikë, tek ata politikë, apo deri në interesa biznesesh klienteliste që mbijetojnë me llokmat e pushtetit korruptiv. /CNA.al





Lajmet e fundit nga