web counter
LEXO PA REKLAMA!

SHKARKO APP

App Store
Google Play

E fundit!

x

Mjerimi shqiptar/ U hoqën ndihmën ekonomike se kishin tualet brenda shtëpisë

22 Shkurt 2018, 20:54, Aktualitet CNA

Në emisionin e mbrëmjes së sotme të “360 gradë”, si temë diskutimi është mjerimi që ka pllakosur familjet shqiptare.

“Lufta për bukën: Ndihma ekonomike mashtrim apo nevojë”? Është ajo çfarë ka sjellë diskutime të ashpra midis të ftuarve, por edhe ka sjellë realitete të dhimbëshme. Kështu, krahas të tjerave, deputetja e Partisë Demokratike, Orjola Pampuri ka thënë se nga ana e qeverisë njëzetë mijë familje janë hequr nga ndihma ekonomike dhe çka është më e keqja tetë mijë prej tyre janë vetëm me njërin prind.

“Kam vizituar familje që ishin përjashtuar nga ndihma ekonomike pse kishin tualet brenda murit të shtëpisë. Ajo shtëpi ishte e tëra një tualet. Përveç 20 mijë familje që janë hequr nga ndihma ekonomike, janë 8 mijë familje që janë vetëm me njërin prind. Një mesazh nga një familje nga Peshkopia me 6 fëmijë thotë se nuk më ka mbetur rrugë tjetër vetëm se të vetëvritem. Të gjitha këta që përmenda nuk janë persona që duan të jetojnë me ndihmë ekonomike. Me 8 mijë lekë të reja duan të ushqehen, të paguajnë dritat, ujit. Kjo është për të marrë frymë. Të gjithë këta më shprehen se duan vende pune”, ka denoncur deputetja Pampuri./CNA.al





Lajmet e fundit nga