web counter
LEXO PA REKLAMA!

SHKARKO APP

App Store
Google Play

E fundit!

x

Ndihma ekonomike/ Rama nxjerr zbuluar Bashën

22 Shkurt 2018, 11:46, Aktualitet CNA

Pas fjalës së kreut të PD, Lulzim Basha në seancën plenare, i cili hodhi akuza të forta ndaj qeverisë në lidhje me heqjen e mijëra familjeve nga skema e ndihmës ekonomike, ka reaguar kreu i qeverisë, Edi Rama.

Rama theksoi se nga skema ekonomike janë përjashtuar vetëm rastet abuzive. Ai tha se kryefamiljarë pronarë vilash dhe makinash përfitonin nga ndihma ekonomike.

Pas fjalës së Ramës, kur ky i fundit i tha ?fluturoni si korbat mbi çdo gropë që hapët duke kërkuar ndihmë në qiellin që katandisët?.

?Megjithë sistemin e pikëzimit jo transparent sipas jush i miratuar nga Sali Ramë Berisha, ne kemi hequr televizionin me ngjyra dhe frigoriferin.

Me atë vendim qeverie është kaluar në proces, si të gjitha reformat që tentuat e nuk i bëtë kurrë, kjo është një reformë që u pilotua në Tiranë, Elbasan e Durrës. Nga kjo skemë rezultuan 19700 deklarime të rreme, dmth subjekte abuzive që merrnin ndihmën ekonomike nga ju, dhe që nuk meritonin ta kishin. Kanë kaluar dy vjet nga procesi i pilotimit dhe jemi në fazën  e shtrirjes të së njëjtës skemë.

Janë hequr nga skema e ndihmës ekonomike 19 mijë e 700 deklarime të rreme. Nëse doni të protestoni për Fluturimin nga Fieri, i cili rezulton pronar i një vile, vazhdoni. Nëse doni të protestoni për Gëzimin nga Kamza, i cili ka në pronësi një vilë dhe dy autovetura, vazhdoni, Nëse doni të protestoni për Josifin nga Fieri, i cili ka në pronësi 3 makina të tipit të fundit vazhdoni.

Nëse ju doni të protestoni për Gragushin nga Korca që merrte 1 mln lekë në muaj e nga ana tjetër vraponte për ndihmën e konomike, vazhdoni protestoni. Këto janë 4 raste.

Se janë 6% të fondit që i kanë bashkitë, dhe me këtë fond mund të adresojnë këto raste. E vetmja bashki që ka bërë këtë veprim , është ajo e Vlorës, ku janë riintegruar 85 familje të gjykuara nga Bashkia si subjekte të ndihmës ekonomike.

Tritan ne nuk krahasohemi , fluturoni si korbat mbi çdo gropë që hapët duke kërkuar ndihmë në qiellin që katandisët. Jeni zogjtë e korbave,? tha Rama/ CNA.al





Lajmet e fundit nga