web counter
LEXO PA REKLAMA!

SHKARKO APP

App Store
Google Play

"Eksperimentuesi" me qytetarët, kandidat i deputetit doganier për kryetar bashkie

21 Shkurt 2018, 16:34, Aktualitet CNA

Drejtori i Ujësjellësit Sarandë, Sheme Lulo apo “drejtori i eksperimenteve” me qytetarët, do të jetë kandidat për kryetar të Bashkisë së Sarandës.

Lulo, i cili i sheh qytetarët si kavie, të paktën kështu la të kuptohej me skandalin e ndërprerjes së ujit në mënyrë të qëllimshme, po synon tashmë një tjetër “eksperiment” por këtë radhë nga zyra e Bashkisë së Sarandës.

CNA.al mëson se Sheme Lulo, është kandidati zyrtar për kryetar bashkie në Sarandë i deputetit socialist Alket Hyseni, njëherësh burri i kushërirës së tij të parë.

Alket Hyseni, është deputeti i cili nga një student i shkëlqyer, përfundoi si doganier e më pas u bë deputet, me një pasuri marramendëse disa milionë dollarë.

Vetëm 44 vjeç, i kanë mjaftuar pesë vite të mira në doganë, që të bëhet me studio ligjore dhe pasuria ti shkojë në miliona dollarë.

Shtatë apartamente banimi, ku më i vogli është me sipërfaqe 120 metra katrorë, ndërsa më i madhi ka një sipërfaqe prej 225.6 m2, kanë kushtuar mbi gjysmë milionë euro.

Tetë garazhe, të cilat kanë kushtuar rreth 19 mijë euro si dhe prona të patundshme që kapin shifrën e mbi 200 mijë eurove, rezultojnë në listën e pasurive prej rreth një milion euro të Hysenit. Sot ai ka bërë gati kandidatin e tij për Bashkinë e Sarandës. /CNA.al

Zbulohet deputeti, ish-doganier me miliona dollarë pasuri





Lajmet e fundit nga