web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha po fundos Opozitën

22 Shkurt 2018, 16:16, Aktualitet CNA

Opozita e ka bërë të rrugës që të largohet nga Kuvendi, pothuajse në çdo seancë parlamentare.

Lulzim Basha po e fut opozitën në rrugë pa krye, duke ndërmarrë herë pas herë veprime arbitrare, apo duke tentuar të krijojë tension dhe konfikt në sallën e parlamentit.

Kuvendi është vendi, prej të cilit qytetarët presin të marrin zgjidhje problemet që ata kanë.

Zgjidhja nuk vjen nga muret e Kuvendit, por nga të zgjedhurit e popullit, deputetët.  Por, deputetët opozitarë në mjaft raste zgjedhin të largohen nga Kuvendi.

Me në krye Lulzim Bashën, opozita është larguar sot nga salla e  Kuvendit, në vend që t?i kundërpërgjigjej kryeministrit Edi Rama.

Ndërsa kryeministri Edi Rama po fliste për ndihmën ekonomike në foltoren e Kuvendit, kreu i PD-së, dhe deputetët e opozitës i janë afruar foltores dhe në pak minuta janë zmbrapsur, duke dalë fare nga salla.

Kuptohet se Basha nuk ka kundrëpërgjigje për  aleatin e marrëveshjes së 18 majit.

Sa herë që opozita ka patur mundësi për t?iu kundërpërgjigjur Ramës, është larguar nga Kuvendi, duke ia lënë territorin të lirë, sigurisht me bekimin e Lulzim Bashës.

Risjellim në vëmendje rastet kur opozita është larguar nga Kuvendi, ndërkohë i ka vijuar akuzat në distancë, nëpërmjet rrjeteve sociale.

Më 25 tetor 2017, në seancën për Tahirin, Opozita largohet nga salla e Kuvendit.

Deputetët e opozitës e braktisën seancën parlamentare në momentin që kryeministri Edi Rama  doli të fliste në foltoren e  Kuvendit.

Me fillimin e sesionit të ri parlamentarë me datë 15.01.2018, opozita u  largua nga Kuvendi, ndërsa është diskutuar amendamenti për ndryshime kushtetuese për zgjedhjen e kryeprokurores së përgjithshme.

Më 8 shkurt 2018, opozita është larguar nga Kuvendi, në kohën që e ka marrë fjalën Ministri i Brendshëm Fatmir Xhafaj, i cili po  fliste për reformën në drejtësi dhe marrëveshjen me kryeprokuroren Arta Marku.

Sërish sot, me 22 shkurt, opozita përsërit të njëjtin veprim, duke u larguar nga Kuvendi.

Pyetja shtrohet se deri kur do të vijojë që opozita të  përdoret nga Lulzim Basha?

Një gjë duket mjaft qartë, se opozita po dobësohet dita-ditës, njëherë duke u lënë në harresë nga kryepozitari, i cili qëndron më shumë jashtë vendit se në Shqipëri dhe herë tjetër duke u keqpërdorur në Kuvend, ashtu në rastet e mësipërme./CNA.al





Lajmet e fundit nga