E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vetingu, verifikohen 93 gjyqtarë dhe prokurorë/ Në filtër edhe dosja Llalla

25 Shkurt 2018, 10:03, Aktualitet CNA

Së shpejti pritet që të dalin rezultatet e vetingut për 93 gjyqtarë dhe prokurorë.

Konfirmimi vjen nga Komisioni i Pavarur i Kualifikimit. Fillimisht komisioni ka informuar se në proces janë 93 persona që po verifikohen.

?Duke marrë në konsideratë pyetjet e shtruara nga ana juaj, Komisioni i Pavarur i Kualifikimit ju sqaron se, komisionerët të asistuar nga këshilltarët ligjorë dhe ata ekonomikë po kryejnë procesin e rivlerësimit kalimtar për 93 subjektet e shortuara. Ky proces rivlerësimi po bëhet mbi bazë të tri kritereve të parashikuara në nenin 4 të ligjit nr. 84/2016: vlerësimi i pasurisë; kontrolli i figurës; vlerësimi i aftësive profesionale?, thuhet në shkresën e KPK, raporton gazeta Sot.

Sipas ligjit, pasi mbyllet verifikimi, çdo emër thërritet dhe pyetet për parregullsitë e gjetura gjatë verifikimit. KPK ka garantuar se për çdo emër po zhvillohet një verifikim shumë korrekt.

I pyetur se çfarë do të ndodhë me rastin e ish Prokurorit të Përgjithshëm Adriatik Llalla, Komisionin i Pavarur i Kualifikimit, iu është referuar procedurave.

?Ne mund t?ju themi vetëm se trupat gjykuese zbatojnë me përpikmëri Kushtetutën dhe ligjin nr. 84/2016 dhe aktualisht po punohet për hartimin e vendimit të arsyetuar për subjektet e dorëhequra nga sistemi i drejtësisë. Ky vendim i arsyetuar, brenda 30 ditëve do të njoftohet subjektit i rivlerësimit, Komisioneri Publik, vëzhguesit ndërkombëtarë, si edhe do të bëhet publik në faqen zyrtare të institucionit, kpk.al. Për sa më sipër, duke kërkuar mirëkuptimin dhe bashkëpunimin tuaj, ju informojmë se në këtë fazë nuk mund të japim më tepër informacion pasi në nenin 4 të ligjit nr.84/2016, pika 7e tij, thotë se e drejta e informimit, e parashikuar në ligjin ?Mbi të drejtën e informimit?, mund të kufizohet duke respektuar parimin e proporcionalitetit nëse dhënia e informacionit shkakton një dëm të qartë dhe të rëndë për administrimin e procesit të rivlerësimit.?, është përgjigjur komisioni.

Pasi të zbardhet vendimi për Llallën do të jetë në dorë të Komisionerit Publik, të vendosë nëse do e apelojë apo jo çështjen, pasi ka pasur mjaft debate mbi tërheqjen e ish-kryeprokurorit.