web counter
LEXO PA REKLAMA!

SHKARKO APP

App Store
Google Play

E fundit!

x

Tirana përtej fasadave/ Nga pusetat e hapura tek “kullat e lali Erit”

25 Shkurt 2018, 11:40, Aktualitet CNA

Propaganda e kryetarit të Bashkisë së Tiranës, Erion Veliajt, tashmë është kthyer në një rutinë ditore. Tirana nuk është ajo që reklamon Veliaj, me buzëqeshjen fallso, para kamerave të Bashkisë.

Tirana e vërtetë, janë rrugët me gropa, kantieret e ndërtimit, pluhuri, kaosi në trafik, mbeturinat dhe pusetat e hapura. Tiranën e vërtetë e përcjell shqetësimi i qytetarëve, të cilët ndeshen çdo ditë me rrugët gropa-gropa dhe pusetat e hapura, herë-herë duke rrezikuar edhe jetën.

Në lagjen pranë Tregut Elektrik, gropat dhe pusetat e hapura janë kthyer në një makth të përditshëm për qytetarët e kësaj zone. Fotot e mëposhtme e pasqyrojnë më mirë realitetin më të cilën përballen banorët e kësaj lagjeje.

Këtë radhë në pusetë ka përfunduar një makinë, por rreziku është i madh për njerëzit, të cilët mund të kenë të njëjtin fat, por me pasojë më të rënda. Apo duhet të ndodhë një gjë e tillë, që lali Eri të largojë vëmendjen nga kullat dhe pemët dhe të shikojë nga afër problemet e banorëve të Tiranës?!

Kullat ndoshta i japin Tiranës pamjen e një metropoli evropian, por lartësia e tyre, nuk mund të zbehë dhe fshehë rrugët me gropa, pusetat e hapura, mbeturinat, ndotjen, që kanë zaptuar kryeqytetin. /CNA.al





Lajmet e fundit nga