web counter
LEXO PA REKLAMA!

SHKARKO APP

App Store
Google Play

E fundit!

x

30 miliardë euro ndërtimi i korridoreve në Ballkanin Perëndimor

26 Shkurt 2018, 19:48, Aktualitet CNA

Rreth 30 miliardë euro do të kushtojë ndërtimi i korridoreve transportuese të Ballkanit Perëndimor, deklaroi sot kryeministri i Bullgarisë Bojko Borisov në hapjen e Forumit të investimeve të Bankës Evropiane për Rindërtim  dhe  Zhvillim( BERZH) në Londër.

Ai shtoi se edhe rreth 5 miliardë euro do të kushtojë ndërtimi i infrastrukturës dixhitale në rajon.

Në raportim të lajmit “Tetova Sot” shënon se korridoret kryesore të cilat qenë në fokus të takimit të sotëm, janë numrat katër, tetë dhe dhjetë.

?Plani, të cilin e propozojmë, është i pranueshëm për secilin nga shtetet. Kur ka korridore të tilla transportuese, secili kryeqytet do të ketë qasje në të përmes linjës hekurudhore dhe autostradës dhe internetin?, theksoi Borisov.

Kryeministri i Bullgarisë informon se në takimin e liderëve nga Ballkani Perëndimor me presidentin e KE-së Zhan Klod Junker, i cili do të mbahet më 1 mars në Sofje, do të paraqiten të gjitha projektet. Atëherë, secili nga gjashtë liderët do të publikojë se si do të financohen këto projekte.

Presidenti i Bankës Evropiane për Rindërtim dhe Zhvillim, Suma Çakrabarti në hapjen e forumit theksoi se BERZH-i do të vazhdojë t?i përkrahë projektet ndërkufitare në Ballkanin Perëndimor.

Që sot do të nënshkruhet Memorandumi për financimin e projektit C -5 për vitet e ardhshme. Banka gjithashtu do ta përkrahë mbarimin e korridoreve transportuese tetë dhe dhjetë. Gjithashtu punojmë në projektin hekurudhor, infrastrukturë e cila do ta lidhë Bullgarinë me Republikën e Maqedonisë.

Presidenti i BERZH-it shtoi se bëhet fjalë për të ashtuquajturën ?Magjistralja e Miqësisë?- Serbi, Bullgari, Romani, Kosovë dhe Maqedoni.

Para disa ditëve ishte nënshkruar marrëveshje për financimin e 38,5 milionë eurove lidhur me këtë projekt, informon Çakrabarti.

Presidenti i BERZH-it shtoi se me TANAP janë nënshkruar marrëveshje për financimin e projektit TAP. Në këtë mënyrë gazi i Kaspikut mund të kalojë nëpërmjet Ballkanit dhe Evropës Perëndimore. Sipas tij, përveç ndërtimit të infrastrukturës së nevojshme në rajon, duhet të formohen kushtet e domosdoshme për tregun e vetëm të investimeve, i cili përfshin përshtatjen e rregullave, tarifave, sigurimin e kushteve të nevojshme për investimet e huaja.

?E gjithë kjo do të kontribuojë në zhvillimin e fushës ekonomike në Ballkan. Banka gjithmonë është e gatshme për zgjidhje praktike?, theksoi Çakrabarti.

Është parashikuar edhe formimi i  bursës për lidhje të vendeve ballkanike. Ky është forumi i tretë kushtuar Ballkanit Perëndimor.





Lajmet e fundit nga