E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Skandal, u kap me një ton drogë/ Si u lirua nga burgu ish polici-trafikant?

26 Shkurt 2018, 13:18, Aktualitet CNA

Drejtori i Policisë së Tiranës, Kastriot Skënderaj në një konferencë për media, mëngjesin e sotëm reklamoi një operacion të policisë për arrestimin e dy personave.

Në pranga kanë rënë Denis Demiri dhe Ardian Serezi, pasi dyshohen se kanë bashkëpunuar për vrasjen e biznesmenit Memli Begalla.

Në fakt, është detyrë e policisë dhe e prokurorisë, që të zbardhin veprat kriminale, por ata kanë zgjedhur të dalin në ekrane e të reklamohen, a thua se po bëjnë punën e dikujt tjetër.

Ndërkohë, policia pa dashje ka zbuluar lirimin nga burgu të një ish efektivi të policisë, i cili në vitin 2014 ishte kapur me një ton drogë.

Ardian Serezi, ish efektivi i policisë është arrestuar si bashkëpunëtor në vrasjen e biznesmenit Memli Begalla.

Mediat raportojnë se Serezi është një emër i njohur për policinë, pasi është arrestuar në 2014 si i përfshirë në trafikun e një ton kanabisi në aksin Gjirokastër-Tepelenë.

Në vitin 2014, Partia Demokratike akuzoi ministrin e Brendshëm, Saimir Tahiri, për lidhje me personat e përfshirë në trafikun e drogës.

Ish-Ministri i Brendshëm, Flamur Noka, në një deklaratë për mediat denoncoi atë që e cilësoi si, skandalin e emërimit në polici të trafikantit të drogës, i njohur për raportet me Ministrin e Brendshëm në fushatën zgjedhore.

?I ndaluari nga Policia e Gjirokastrës me një ton marijuanë, me destinacion Italinë, është një punonjës i Policisë së Shtetit, i emëruar nga Rilindja, me precedent penal, dhe njeri i afërt i Ministrit të Brendshëm. I ndaluari , banor i Kombinatit njihet për raportet e ngushta që ka me Tahirin, veçanërisht në fushatën e fundit elektorale, ku shërbente edhe si shoqërues i Ministrit të Brendshëm?, ka thënë Noka në vitin 2014.

Këto deklarata mund edhe të lakohen si politike, ndërkaq skandal është fakti, se pavarësisht se u kap me një ton kanabis në 2014, Ardian Serezi ishte liruar nga burgu./CNA.al