web counter
LEXO PA REKLAMA!

SHKARKO APP

App Store
Google Play

E fundit!

x

Shqiptarët po konkurrojnë organizatat mafioze në Itali

26 Shkurt 2018, 14:43, Aktualitet CNA

Prokurori i Antimafias Italiane deklaroi se tashmë trafiku i kokainës, nuk është më monopol i organizatës kriminale Ndragheta, po e shqiptarëve. Deklarata u bë pas takimit që kreu i antimafias bëri me kryeprokuroren Arta Marku.

Prokurori kombëtar i Antimafias dhe Antiterrorizëm, Federico Cafiero De Raho pas takimit me drejtorin e Policisë së Shtetit Ardi Veliu dhe kryeprokurores Arta Marku, në një prononcim për gazetarët tha se trafiku i kokainës tashmë po bëhet edhe nga grupet kriminale shqiptare. Ndërkohë që kjo ka qenë më parë monopol i Ndraghetas.

?Në Itali konstatojmë prezencë grupesh kriminale shqiptarë që pushtojnë brigjet tona si në adriatik dhe në jon dhe zbarkojnë duke trafikuar drogë. Kjo tregon se organizatat kriminale shqiptarë bëjnë edhe trafik kokainë. Nëse ky sektor më parë ishte monopol i Ndraghetas tani ka filluar të tërheqë edhe grupet kriminale shqiptare?, – u shpreh Federico Cafiero De Raho.

Prokuroria i antimafias deklaroi se kriminaliteti në Shqipëri është shumë shqetësues dhe se autoritetet italiane, janë të gatshme të bashkëpunojnë me këdo që i ka shpallur luftë këtij kriminaliteti.

“Kemi folur për hetimet në vazhdim. Kemi evidentuar si kriminaliteti shqiptar është shumë prezent në Itali. Ka aftësi të bashkëpunojë me mafian, Ndraghetën, Sacra Corona Unita dhe burime të tjera kriminale në Itali. Kriminaliteti shqiptar ndërhyn në trafikun e drogave të lehta, armëve dhe së fundi në drejtimin e trafikut të kokainës. Hetimet që po mbahen në Itali janë të shumta. Kriminaliteti shqiptar nuk është prezent vetëm në brigjet joniane, pra në Kalabri dhe në brigjet puglieze, por së fundi është prezente dhe në veri të Italisë?, – tha më tej Federico Cafiero De Raho.

Kreu i Antimafias pranoi se sot pa frikë shqiptarët funksionojnë si organizatat mafioze italiane, duke pasur mbështetje financiare dhe politike. /CNA.al





Lajmet e fundit nga