E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mediet e Berishës sulmojnë Bashën

26 Shkurt 2018, 19:12, Aktualitet CNA

SYRI.net me drejtues Çim Pekën, e quajtur si një nga mediet e financuara nga djali i ish-kryeministrit Sali Berisha, Shkëlzen Berisha, një nga mediat që ka qëndrim opozitar, sot në një rubrikë të saj ironike është tallur keqazi me Lulzim Bashën. Basha është vendosur në një intervistë dhe është ironizuar, duke treguar tashmë se qëndrimet e medieve të Berishës ndaj Bashës nuk do të jenë me të njëjta.

Në postimin e bërë, SYRI.net, ka vënë në dyshim burrërinë e Bashës. Kjo mund të jetë e vërtetë sepse Basha nuk njihet për ndonjë burrëri të madhe, por ka diçka që Syri nuk e thotë. Basha erdhi në krye të PD-së me mbështetjen e Berishës, por si duket tashmë Berisha është penduar për këtë.

Shkrimi i SYRI.net:

Iriqi: – Sikur do ishe në protestë më 20 shkurt?

Basha: – Ashtu premtova, por nga e thëna në të bërë është në mes një lumë i tërë.

Iriqi: – Pra?

Basha: – Pata frikë se nuk do na vinin shumë njerëz.

Iriqi: – Pse pate frikë?

Basha: – Se kjo puna e protestave është si seksi. Të vjen goca në motel herën e parë, por ty nuk të punon. I thua hajde prapë se do jem në formë. Dhe vjen sërish ajo murga. Por djalit prapë hiç. Vjen dhe për herë të tretë e pastaj nuk të vjen më. Më kuptove tani? Andaj nuk u tubuam më 20 shkurt. Mbase nga viti tjetër. Se ne do protestojmë një ditë, se quhemi opozitë. Alo! Hë Taras, folë! Po, po, Maras-i jam. Ok, shihemi te vendi.

Iriqi: – Kush është Tarasi?

Basha: – Rama, mo, Rama. Vdes ai të quhet ashtu.

Iriqi: – Po Maras-i?

Basha: – Hahaha, unë. M?u lut të më quante kështu. Nuk pranova, por më premtoi se do m?i japë shpejt lekët e pallatit të vjehrrit. Ndaj e lejova të më drejtohet kështu.

Iriqi: – Po ku do i gjejë se në buxhet nuk ka?

Basha: – Është marifetçi ai. Do ju heqë asistencën 20 mijë familjeve. E sheh që u zgjidh dhe një hall i madh i vjehrrit. Unë dal familje më familje e ju qaj hallin se kështu na duhet. Të jemi në rregull me votuesit.

Iriqi: – Po kështu ti nuk do vish ndonjëherë në pushtet.

Basha: – Unë nuk do vij më në Shqipëri, jo më në pushtet. Me mua opozita do shkojë e gjitha në PS.

Iriqi: – Te socialistja?

Basha – Hahaha, jo, jo. Do vejë në pçkts opozita. Kupton? Alo? Tarasi? Po, po, Maras-i jam. Ja po vij. Çiao, Iriq. Dhe një marrëveshje më duhet dhe do bëhem vetë Tarasi.

Iriqi: – Po Maras-i kush do jetë?

Basha: – Populli, Iriq. Populli. Ai e ha përherë. /CNA.al