web counter
LEXO PA REKLAMA!

SHKARKO APP

App Store
Google Play

E fundit!

x

Kauzat e humbura dhe tradhëtitë e Lulzim Bashës

17 Shkurt 2018, 13:05, Aktualitet CNA

Partia Demokratike ka bërë disa beteja në pesë vitet e saj në opozitë dhe nën drejtimin e Lulzim Bashës ka kauza të fituara, siç ishte beteja me drogën, por edhe me dekriminalizimin e cila së fundmi rezulton një kauzë e tradhtuar.

Ka një betejë për median e lirë që Rama e quan kazan dhe Lulzim Basha e quan të blerë dhe të keqpërdorur nga Rama. Edhe kjo një betejë e tradhëtuar dhe lojë e pisët politike më shumë se një kauzë e vërtetë.  Pa lënë mënjanë artikulimet e vazhdueshme për një betejë me oligarkët apo përdorimin e politikës prej tyre.

Në rastin e dekriminalizimit Partia Socialiste dorëhoqi të gjitha zonjat e listës në qarkun e Lezhës për të futur në Parlament Arben Ndokën, i cili më pas u kthye në një kalë beteje për opozitën sëbashku me disa personazhe të tjera, të cilët opozita i akuzoi se kishin rekorde kriminale.

Kjo mënyrë e përdorur nga socialistët tashmë është gjetur si zgjidhje nga demokratët. Basha detyroi dy zonja të dorëhiqen në Berat që deputet i PD të hyjë Astrit Veliaj, i cili është një prej njerëzve më të pasur në vend.

Kauza kundër oligarkëve apo akuzat që Basha hedh ndaj Ramës këtu tradhëtohen. Pra, njeriu që flet për kapjen e Qeverisë nga oligarkët heq zonjat dhe fut një oligark në Parlament.

Tradhëtia e dytë e Lulzim  Bashës është me median. Gjatë kohës kur ishte në çadër tha, se ato ishin kapur nga droga dhe vetëm një televizion kishte shpëtuar. Pesë ditë më parë CNA.al publikoi video- skandalin të një deputeti të Partisë Demokratike.

Lulzim Basha u interesua personalisht në shumë media dhe portale që lajmi të censurohet, një kauzë tjetër kjo e tradhëtuar.

Tradhëtitë e Bashës nuk kanë të sosur, kanë filluar më 18 maj, kur shiti çadrën, rezistencën dhe shpirtin e demokratëve tek Edi Rama dhe vijojnë  të mos ndalen as sot. Tradhëtitë e Lulzim Bashës vazhdojnë./CNA.al





Lajmet e fundit nga