LEXO PA REKLAMA!

SHKARKO APP

Zbulohen ndërhyrjet e aktorëve të video-skandalit pranë CNA.al

16 Shkurt 2018, 20:58, Aktualitet CNA

CNA.al, ka raportuar se pas publikimit të paralajmërimit se do të nxirrej para publikut një video-skandal, në të cilin ishte i përfshirë një deputet i Kuvendit të Shqipërisë, janë bërë ndërhyrje nga personazhe të ndryshëm të lidhur me të përfshirët në video-skandal.

I ftuar në studion e emisionit “Java” në RTSH, editori i CNA.al, Elvi Fundo, u shpreh se të shumta kanë qenë ndërhyrjet, të cilat janë bërë nga personalitete të larta brenda Partisë Demokratike, lidhur me aktorët e përfshirë. Ai tha se nuk është i pari video-skandal i publikuar, por ky ka bërë jehonë për faktin se aty gjendet një deputet i PD që fliste me një gjuhë banale, erotike dhe perverse.

CNA.al ka raportuar se pas publikimit të “megaskandalit” të paralajmëruar, GD, e prekur nga ky skandal ka ndërhyrë pranë redaksisë, në mënyrë që lajmi të mos jepej, por siç kemi thënë se tek ne nuk ka censurë, vijojmë t’i qëndrojmë këtij parimi.

“GD i Salianjit, që ka ndryshuar BBM është mike e përbashkët me disa personazhe politike”, – shtoi ndër të tjera Fundo.

Në vijim, editori i CNA.al, Elvi Fundo, nxori një tjetër detaj, ku tha se “ka qenë i qëllimshëm paraljamërimi për publikimin e video-skandalit. Në këtë paralajmërim, CNA.al nuk nxori asnjë emër, por ligjëruesit i emëroi si A dhe B, me qëllim që vetë personat të kuptonin nga dialogu i publikuar dhe të reagonin, në këtë mënyrë ne do të mësonim se kush është GD, gjë e cila edhe ndodhi. GD, të cilën ne e njohim se kush është, nëpërmjet personave të ndryshëm, u përpoq të ndërhynte tek CNA për të mos e postuar videon.”

Fundo u shpreh se CNA përpara publikimit të video-skandalit përveçse me këshillin botues, është konsultuar dhe me avokatët më të shkëlqyer në vend, në mënyrë që të mos cënonim privatësinë e askujt apo aspektin familjar të të përfshirëve. /CNA.al

Lajmet e fundit nga