LEXO PA REKLAMA!

SHKARKO APP

Ndalimi i hyrjes në SHBA/ Llalla fajëson ambasadorin Lu

16 Shkurt 2018, 18:38, Aktualitet CNA

Pas shpalljes “person non grata”, nga qeveria e Shteteve të Bashkuara të Amerikws, ish-Prokurori i Përgjithshëm, Adriatik Llalla, ka folur për gazetën e njohur amerikane “Wall street Journal”, duke  dashur të shpjegojë lidhur me ndalimin që i është bërë atij dhe familjes së tij për të hyrë në SHBA.

?Jam i sigurt se ky është një vendim i marrë, bazuar tek keqinformimi që i ka dhënë për mua ambasadori Lu, Departamentit të Shtetit?, – u shpreh Llalla, i cituar nga “Shqiptarja.com”, duke vijuar të sqaroj se viza e tij dhe e gruas së tij u eliminua vitin e kaluar sepse bashkëshortja e tij udhëtoi për në SHBA me një pasaportë diplomatike për shkak të problemeve shëndetësore. Ajo ishte shtatazënë në atë kohë të udhëtimit, tha ai, dhe gruaja e tij e lindi fëmijën e tyre teksa ishte në SHBA.

Adriatik Lallla shpjegoi më pas se ambasadori amerikan në Shqipëri Donald Lu i kishte thënë se zyrtarët nuk mund të përdorin vizat diplomatike për vizita private dhe se nuk e di se çfarë provash për korrupsion kanë SHBA-të ndaj tij. Ndaj ai vijoi të fajësoj ambasadorin Lu për këtë çështje, duke thënë ky i fundit: ka keqinformuar dhe keqinformon qëllimisht.

?Ai më ka sharë mua, familjen time dhe gjithashtu të gjithë trupën e gjyqtarëve dhe prokurorëve, duke na trajtuar si kriminelë, duke na denigruar publikisht dhe personalisht?, ka artikuluar ish kryeprokurori Adriatik Llalla./CNA.al

Lajmet e fundit nga