web counter
LEXO PA REKLAMA!

SHKARKO APP

App Store
Google Play

E fundit!

x

Rama përjashton Niko Peleshin nga analiza e PS-së në Korçë

2 Nëntor 2017, 20:15, Aktualitet CNA

Kryeministri Edi Rama ka përjashtuar ministrin e tij të Bujqësisë Niko Peleshi, ish-zëvendëskryeministër, në qeverinë Rama 1, Peleshi njihet si i gjithë pushtetshmi socialist në Qarkun e Korçës, por 3 ditë më parë ai është përjashtuar nga analiza dhe riorganizimi që do të ketë kjo forcë në këtë qark.

Dy ditë më parë Taulant Balla, Sekretar i Përgjithshëm i PS-së dhe kryetar i grupit parlamentar të kësaj partie, mblodhi kryetarët e degëve, ku paralajmëroi procesin e riorganizimit dhe futjen e strukturave socialiste në zgjedhje, në shumë nga bashkitë ku rezultati i 2017 ishte më i ulët se 4 vite më parë.

Një nga qarqet ku Rama nuk është i kënaqur me rezultatin është Korça, si dhe dy bashkitë Korçë dhe Devoll, për këtë ai ka vendosur riorganizimin, por ka përjashtuar nga analiza dhe nxjerrja e përgjegjësive, të besuarin e tij për Korçën, Niko Peleshi, dhe ka çuar një nga besnikët më të mëdhenj, Damian Gjiknuri, i cili është personi që do të udhëheqë analizën e socialistëve tashmë në Qarkun e Korës. Nuk dihet nëse “hedhja në koshin e plehrave”, e Niko Peleshit nga ana e Edi Ramës është përfundimtare, apo Rama kërkon të mësojë të vërtetën e asaj të po ndodhë në një nga bastionet e të majtës. Korça bëhet më shqetësuese dhe problematike për Edi Ramën, pasi në këtë Qark PD-ja ishte me një listë skandaloze, krejtësisht të çoroditur, apatike dhe të paaftë në elektorat.

Niko Peleshi mësohet se nga shumë struktura të bazës socialsite është akuzuar si personi përgjegjës për rezultatin në zgjedhje, kjo për faktin se jo vetëm ka qenë drejtues i qarkut, por edhe përgjegjësi për dy zonat me rezultatet më të ulëta elektorale. Akuzat janë se Peleshi është shkëputur nga baza dhe është lidhur me një klientelë korruptive, krejtësisht të ngushtë dhe personale, e cila ka shkaktuar kosto të mëdha elektorale.

Analizën në Korçë tashmë pritet ta zhvillojë Damian Gjiknuri, i cili pritet të çojë te Rama detajet dhe verifikimin e akuzave, si dhe nxjerrjen e përgjegjësive për atë që ka ndodhur në zgjedhjet e 25 qershorit. /CityNews





Lajmet e fundit nga