web counter
LEXO PA REKLAMA!

SHKARKO APP

App Store
Google Play

Dosja "Habilaj" / Ministri i Brendshëm italian vizitë zyrtare në Tiranë

2 Nëntor 2017, 19:06, Aktualitet CNA

Ministria e Brendshme e Shqipërisë me anë të një njoftimi shprehet se ditën e nesërme në Shqipëri do të vijë për një vizitë zyrtare, ministri i Brendshëm italian Marco Minniti.

Gjatë kësaj vizite, Minniti, do të takojë homologun e tij shqiptar, Fatmir Xhafaj, dhe do të jetë i shoqëruar nga personalitete të larta të ministrisë së Brendshme dhe të Policisë.

Ministria e Brendshme shprehet se në kuadër të kësaj vizite do të mbahet në Pallatin e kongreseve “Konferenca e përbashkët mbi raportin përmbyllës së misionit të monitorimit ajror për vitin 2017, në luftën kundër kultivimit të bimëve narkotike”, ndërmjet Policisë së Shtetit, Policisë italiane dhe Misionit të BE-së.

Kjo vizitë vjen pas publikimit të përgjimeve italiane të bandës së drogës, në të cilat del i përfshirë edhe ish-ministri i Brendshëm Saimir Tahiri.

Ja axhenda e plotë:

Ora 10:00 Takim i ministrave Xhafaj-Minniti, në Ministrinë e Brendshme (do t?ju shpërndahen pamjet nga MB).

Ora 11:00 Takim i ministrit të Brendshëm italian me Presidentin e Republikës, në Presidencë.

Ora 11:30 Konferenca përmbyllëse e ?Misionit të monitorimit ajror 2017 në luftën anti-kanabis? (takimi do të zhvillohet te Pallati i Kongreseve dhe do të jetë me regji qendrore). /CityNews





Lajmet e fundit nga