web counter
LEXO PA REKLAMA!

SHKARKO APP

App Store
Google Play

Tritan Shehu tregon pse PD-ja ishte në Himarë

2 Nëntor 2017, 16:23, Aktualitet CNA

Deputeti i Partisë Demokratike, Tritan Shehu, ishte i ftuar në studion e emisionit “45 minuta” të gazetarit Denis Minga, ku komentoi debatin e sotëm për Himarën, i cili përfshiu Kuvendin në seancën e sotme.

Sipas deputeti Shehu, Partia Demokratike ishte në Himarë për të mbrojtur interesat e qytetarëve të papërkrahur, për shkak se qeveria po shkel të drejtat e tyre për interesa të ngushta të disa personave.

“Nuk është hera e parë që PD është në krah të banorëve, kundër dëmtimit të pronës private pa kriter në funksion të ca interesave të grupeve financiare. PD është renditur edhe më parë në krah të qytetarëve, si në rastin e Shkozës. Qytetarët po keqtrajtohen.

Himara është Shqipëri, banorët e Himarës janë qytetar të Shqipërisë, është detyra e PD që të shkojë kudo të mbrojë interesat e qytetarëve. Në Himarë kërkohen të merren nëpërkëmbë interesat e qytetarëve në kundërshtim me ligjin, pa kompensimin financiar, në mënyrë të shpejtuar. Janë interesat e atyre që duan të marrin me koncesion një pjesë të zonës atje.”, – deklaroi ai.

Sipas shehut marrëdhëniet me fqinjët grekë janë në pikën më të keqe, kjo për shkak të mungesës së largpamësisë së qeverisë aktuale. /CityNews





Lajmet e fundit nga