web counter
LEXO PA REKLAMA!

SHKARKO APP

App Store
Google Play

Kapet vrasësi shqiptar i avokatit grek/ Ja çfarë i pohoi policisë

2 Nëntor 2017, 18:43, Aktualitet CNA

Vrasës të avokatit të njohur grek, Mihalis Zafiropoulos, në 12 tetor 2017, në një lagje qendrore të kryeqytetit Athinë, kanë qenë dy shqiptarë.  Sipas mediave greke njëri prej tyre është arrestuar ditën e sotme nga policia, ndërsa tjetri është ende në kërkim.

Por po shqiptarë janë edhe personat që e kanë porositur vrasjen e avokatit e që aktualisht gjenden në burgun Koridhalos, duke vuajtur dënimin për një krim të bërë nga ana e tyre.

I arrestuari  paraqitet me disa identitete, por me vendlindjen Shqipëri. Ai është i komunitetit rom, nuk mban dokument identifikimi zyrtar, ndërkohë që shtetasi tjetër shqiptar është i datëlindjes 14 janar 1987 dhe quhet Aleksandër  Mata.

I arrestuarie e ka pranuar pa hezitim krimin para policisë, duke sqaruar se nuk kishte paramenduar ta vriste avokatin Zafiropoulos, por vetëm ta frikësonte gjë për të cilën kishte marrë si shpërblim  tre mijë euro nga tre bashkëpatriotë shqiptarë të cilët ndodhen aktualisht në burg.

Arrestimi i vrasësit rom u bë në qytetin Patras pranë një kampi romësh, ndërsa  po përpiqej për t?u larguar nga Greqia. Në banesën e tij në Athinë, policia gjeti dy uniforma policie, granatë dore, lëndë eksplozive, detonatorë, paruke, një pistoletë dhe kallashnikov me treind fishekë./CityNews





Lajmet e fundit nga