web counter
LEXO PA REKLAMA!

SHKARKO APP

App Store
Google Play

Denoncimi në CityNews / Shkarkohet drejtoresha e Hipotekës

2 Nëntor 2017, 17:45, Aktualitet CNA

Dy ditë pas raportimit të CityNews.al, të një denoncimi të gazetarit Elio Laze, në të cilin zbulohej skandali në Zyrën Qendrore të Regjistrimit të Pasurive të Paluajtshme, ka ardhur edhe shkarkimi i Drejtoreshës së Përgjithshme të Hipotekës, Blerina Doracaj.

Në denoncimin në fjalë, gazetari Laze, duke iu referuar një mesazhi të drejtorit të Shërbimeve Mbeshtetëse në Zyrën Qendrore të Regjistrimit të Pasurive të Paluajtshme, drejtuar kryeministrit te vendit Edi Rama, Drini Mataj pretendon se është shkarkuar nga puna pa asnjë motivacion dhe se urdhri për shkarkimin i është komunikuar me anë të një e-maili. Sipas Matajt urdhri ishte nxjerrë 3 ditë përpara dhe nuk i ishte bërë prezent.

Shkarkimi i Doracajt vjen 2 muaj pas emërimit të saj në krye të këtij institucioni. Ka qenë Ministria e Drejtësisë ajo që ka publikuar ditën e sotme njoftimin për vendin vakant. Kryeregjistruesja e Zyrës së Regjistrimit të Pasurive të Paluajtshme, e cila ka qenë në listën e kandidatëve të PS-së, për Tiranën, ku rënditej e 23-ta, mësohet të ketë qenë sot në punë, por nuk dihet nëse ajo është njohur me këtë vendim apo jo.

Doracaj është aktualisht kryetare e Forumit të Gruas në PS. /CityNews

Gazetari zbulon skandalin/ Ja shkeljet e drejtoreshës së Hipotekës





Lajmet e fundit nga