web counter
LEXO PA REKLAMA!

SHKARKO APP

App Store
Google Play

E fundit!

x

Qeveria me 200 këshilltarë

2 Nëntor 2017, 20:04, Aktualitet CNA

Kryeministri Ramush Haradinaj dhe ministrat e tij do t?i kenë në dispozicion rreth 200 këshilltarë. Në kabinetin e të parit janë akomoduar 16 këshilltarë, ndërsa njëri nga ministrat e tij i ka ?rehatuar? hiç më pak se 9 këshilltarë politikë dhe asistentë personalë. Për pagat e këshilltarëve të kryeministrit dhe të ministrave brenda vitit nga buxheti i Kosovës shpenzohen rreth 2 milionë euro, shkruan sot gazeta “Zëri”

Kryeministri Ramush Haradinaj u ka gjetur punë 16 këshilltarëve në kabinetin e tij, përderisa njëri nga ministrat e tij në kabinet tashmë i ka ?rehatuar? 7 këshilltarë politikë dhe dy asistente ekzekutive.

Nga 7 deri në 10 këshilltarë pritet t?i kenë edhe 20 ministrat tjerë të kësaj Qeverie, përderisa paga e një këshilltari të ministrit sillet në 600 euro derisa këshilltarët e kryeministrit marrin pagë mujore prej rreth 1500 eurosh.

Sipas një kalkulimi të thjeshtë del se për pagat e këshilltarëve të kryeministrit dhe të ministrave brenda vitit nga buxheti i Kosovës shpenzohen rreth 2 milionë euro, shkruan tutje “Zëri”.

Ministri i Arsimit, Shkencës dhe Teknologjisë, Shyqiri Bytyçi, në uebfaqen e këtij dikasteri qeveritar tashmë ka publikuar emrat e 7 këshilltarëve politikë, si dhe të dy asistenteve administrative.

Përveç numrit të madh të ministrive, Qeveria e Kosovës pritet t?i ketë rreth 50 zëvendësministra, të cilët po ashtu kanë të drejtë të emërojnë asistentë.

? Në Ministrinë e Administratës Publike ende nuk janë emëruar zëvendësministrat. Është e ditur se ata i emëron kryeministri. Sipas Rregullores së re, çdo ministri ka të drejtë t?i emërojë 7 këshilltarë për fushat e ndryshme. Në MAP emërimi i këshilltarëve do të bëhet nga ministri në ditët në vijim. Rregullorja parasheh një numër të tillë?, thuhet në përgjigjen e kësaj Ministrie për gazetën ?Zëri?.

  Zyra e Kryeministrit Ramush Haradinaj rikonfirmoi për gazetën ?Zëri? se 16 është numri i këshilltarëve të kryeministrit Haradinaj të angazhuar deri më tash.
Analisti Haki Abazi një numër kaq të madh të këshilltarëve dhe të zëvendësministrave e sheh si fatkeqësi për vendin. Sipas tij, shumë ministra, zëvendësministra dhe këshilltarë do të jenë pengues të njëri-tjetrit për të vepruar.
Lulzim Dragidella, udhëheqës i Departamentit të Shkencave Sociale në Universitetin e Prishtinës, konsideron se emërimi i zëvendësministrave, ashtu edhe ai i këshilltarëve politikë është bërë si pasojë e plotësimit të orekseve të partive politike. Sipas tij, një numër kaq i madh i kabinetit të ministrive është një barrë shumë e madhe për një shtet shumë të varfër siç është Kosova.





Lajmet e fundit nga