web counter
LEXO PA REKLAMA!

SHKARKO APP

App Store
Google Play

E fundit!

x

Tërmet në administratë/ 3.393 persona humbin vendin e punës

27 Tetor 2017, 13:32, Aktualitet CNA

Me ristrukturimin e ministrive do të duhet të largohen nga detyra shumë persona në administratë.

Qeveria ka bërë publik buxhetin e shtetit për vitin 2018 dhe aty është paraqitur organigrama e punonjësve që do të ketë qeveria e re. Në disa ministri ka rritje të stafit, por në total janë 3.393 persona që do të duhet të largohen nga detyra.-shkruan gazeta “Sot.”

Kryeministria në buxhetin e vitit 2017 parashikonte një staf total prej 646 personash, por tani ka vendosur që ky numër të jetë 150 punonjës. Ministria që preket më shumë nga procesi i ristrukturimit është Ministria e Mirëqenies Sociale, e cila u bashkua me Ministrinë e Shëndetësisë.

Në total kjo ministri ka pasur 3042 punonjës, por nga këta vetëm 809 kanë kaluar te ministria e re, pasi 2233 të tjerë do të duhet të largohen. Ndryshime ka dhe te Ministria e Integrimit. Kjo e fundit u bashkua me Ministrinë e Jashtme, por 68 persona janë larguar sepse nuk janë bashkuar me strukturën e re. Reforma ka goditur dhe Ministrinë e Zhvillimit Urban. 535 punonjës të saj do të duhet të largohen nga funksionet, pasi ajo u shkri totalisht. Ajo që duhet thënë është se procesi i ristrukturimit ka nisur dhe do të përfundojë sapo të nisë zbatimin buxheti i ri. Por qeveria ka vendosur që të rrisë stafin në disa ministri të tjera, sidomos ku ka bashkime.

Sipas udhëzimeve që kanë nxjerr institucionet, procesi i rekrutimit të stafit në ministritë e reja apo agjenci e inspektorate do të ndryshojë. Të gjithë do të duhet të futen në testim dhe kush është më i miri do të fitojë vendin e punës. Kryeministri Edi Rama ka paralajmëruar se nuk do të ketë asnjë përjashtim. Mbetet të shihet se sa do të zbatohet një premtim i tillë. /CityNews





Lajmet e fundit nga