web counter
LEXO PA REKLAMA!

SHKARKO APP

App Store
Google Play

E fundit!

x

Braktisja e militantëve/ LSI në alarm, mobilizon degët

27 Tetor 2017, 13:23, Aktualitet CNA

Lëvizja Socialiste për Integrim është vënë në alarm për shkak të reformës në administratës shtetërore. Me qindra punonjës dhe zyrtarë të LSI-së në të gjitha nivelet e aparatit shtetëror po shkarkohen nga detyra, dhe ky aksion i qeverisë ?Rama 2? ka nisur të trembë kupolën kësaj force politike.

Por ajo që i shqetëson më shumë është humbja dhe braktisja e elektoratit.

Prej disa ditësh LSI është vënë përballë një situate tepër alarmante, pasi behët fjalë për një ?hemorragji? e cila ka nisur brenda kësaj partie sa i takon simpatizantëve, anëtarëve, mbështetësve dhe militantëve të cilët po braktisin këtë parti duke iu bashkuar natyrshëm PS-së dhe disa të tjerë për të ruajtur vendin e punës.

Dhe pikërisht për të ndalur këtë eksod, LSI ka mobilizuar të gjitha degët në vend, ndërsa mësohet se po përdor taktika që të fus në gjirin e saj edhe shumë socialistë të zhgënjyer nga kjo qeveri. Mirëpo ky shqetësim u vu re dukshëm qartë edhe dje, teksa Monika Kryemadhi organizoi një mbledhje me krerët e LSI në rrethe.

Kështu, në vijim të fjalës së saj kryetarja Kryemadhi deklaroi se dyert e partisë së saj janë të hapura për çdo shqiptar të varfër e të zhgënjyer. ?Të gjithë ne që jemi këtu sot, kryetarët e Lëvizjes Socialiste për Integrim në gjithë Republikën e Shqipërisë, kemi një përgjegjësi të madhe për të hapur dyert e LSI-së për këdo që beson në kauzën tonë, për këdo që ndihet i braktisur, i zhgënjyer, i nëpërkëmbur, i varfëruar apo për këdo që beson që mund të kontribuojë në vendin e tij në këtë udhëkryq vendimtar për të ardhmen e vendit?, deklaroi ajo.

Pra deklarata e Kryemadhit, në një farë mënyre la të nënkuptohet se ishte një thirrje për të gjithë ata, që e braktisën por edhe qytetarë të tjerë që duhet t?i bashkohen kësaj force politike./ CityNews





Lajmet e fundit nga