web counter
LEXO PA REKLAMA!

SHKARKO APP

App Store
Google Play

E fundit!

x

Loja me ndarjen territoriale

27 Tetor 2017, 11:52, Aktualitet CNA

Partitë kryesore politike në Shqipëri, PD dhe PS kanë filluar të artikulojnë rikthimin në tryezë të asaj që quhet ?Reforma territoriale?, pra ndarja administrative e vendit.

Në vitin 2014, PD refuzoi të ishte pjesë e reformës territoriale e cila çoi në një ndarje të re administrative dhe Shqipëria tashmë do të ketë vetëm 61 bashki.

Demokratët pas humbjes së zgjedhjeve të 2017-ës kanë riartikuluar se janë të gatshëm që bashkë me reformën zgjedhore të diskutojnë edhe një ndarje të re territoriale.

Burimet i thanë CityNews se PD është e gatshme që të negociojë një opsion që shkon afërsisht në 100 bashki. Propozim ky që duket se mbështetet nga LSI, e cila në fakt ka qënë dhe pjesë e reformës së parë dhe së bashku me PS-në miratuan ndarjen administrative të vitit 2015.

Por duket se ndarja e re territoriale përtej marrëveshjes së 18 majit Rama-Basha është një lojë që ende i mban palët larg njëra-tjetrës.

PD kërkon 100 bashki, por burime qeveritare i thanë CityNews se socialistët e vetë kryeministri Rama është i gatshëm të diskutojë ndarjen e re territoriale, por duke ulur numrin e tyre nga 61 në rreth 40 të tilla.

Pra Basha shtrin dorën që të diskutojë ndarjen territoriale dhe ajo të bëhet me konsensus, por kërkon 100 bashki.

Edhe Rama shtrin dorën dhe është gati të diskutojë ndarjen territoriale por kërkon të përgjysmojë numrin e bashkive aktuale.

Më shumë sesa një pikë afrimi ndarja e re administrative duket të jetë një pikë e re largimi.

Pra, ngelet thjeshtë një lojë e radhës në politikë dhe asgjë më shumë se kaq./ CityNews





Lajmet e fundit nga