web counter
LEXO PA REKLAMA!

SHKARKO APP

App Store
Google Play

E fundit!

x

Nis vetingu dhe në Kushtetuese/ Përzgjidhen dosjet që do të kalojnë në sitë

27 Tetor 2017, 13:09, Aktualitet CNA

Procesi i vetingut ka hedhur një tjetër hap të rëndësishëm drejt spastrimit të drejtësisë nga të korruptuarit.

Pas Gjykatës së Lartë, ku u përzgjodhën nga 5 dosje për secilin anëtar që do i nënshtrohen kontrollit nga Komisioni i Kualifikimit, dje i njëjti proces ka ndodhur me Gjykatën Kushtetuese.

Në total janë përzgjedhur 35 dosje të cilat do të vlerësohen fillimisht nga Inspektorati i KLD dhe më pas do t?i përcillen me një relacion Komisionit të Pavarur të Kualifikimit. Por ashtu siç edhe e tha gazeta para disa ditësh, këto dosje i përkasin gjykimeve të vitit 2013-2016, ndërsa relacioni i Inspektoratit të KLD do t?i bashkëngjitet relacionit të Inspektoratit të Deklarimit të Pasurive dhe Drejtorisë së Informacionit të Klasifikuar.

Sakaq gjyqtarët e Kushtetueses që do t?i nënshtrohen këtij kontrollit janë: Bashkim Dedja, kryetar i rizgjedhur pak javë më parë në Gjykatën Kushtetuese; Vitore Tusha, anëtare; Altina Xhoxhaj, anëtare; Fatmir Hoxha, anëtar; Gani Dizdari, anëtar; Besnik Imeraj, anëtar; Fatos Lulo, anëtar.

Pas këtij filtri nga Komisioni i Pavarur i Kualifikimit për gjyqtarët Kushtetues, procesi i veting-ut do të shtrihet tek anëtarët e Këshillit të Emërimeve në Drejtësi, anëtarët e Këshillit Gjyqësor dhe atyre të Këshillit të Prokurorisë. Ky kontroll vjen vetëm 4 ditë para se Gjykata Kushtetuese të shprehet pikërisht për ligjshmërinë e këtij procesi apo dhe ligjit të vetingut i cili është paditur në kushtetuese nga shoqatat e gjyqtarëve. Sipas burimeve pranë gazetës, pritet nga kjo gjykatë, që vendimi për vetingun të bëhet publik më datë 30 tetor./ CityNews





Lajmet e fundit nga