web counter
LEXO PA REKLAMA!

SHKARKO APP

App Store
Google Play

E fundit!

x

I zhvati 60 milionë lekë drejtorit të Postës/ Ja dëshmia e “bjondes” nga Durrësi

29 Shtator 2017, 16:31, Aktualitet CNA

?Arrest me burg?. Kjo është masa që ka caktuar Gjykata e Durrësit për Enertila Beqjan, vajzën që shihni në foto.

Tashmë, ajo ndodhet pas hekurave, pas kallëzimit të bërë për mashtrim në polici nga 30-vjeçari Barush Ahmeti, drejtor poste në Manzë.

Fotoja e profilit në rrjetin social ?Facebook? është krejt ndryshe nga ajo çfarë sjell pamja e Enertilës në realitet.

Shumë larg nga të qenit biondja e tij ?Mona Liza?, imazhet e 27 vjeçares brune u shfaqen sot për herë të parë në sallën e gjyqit, ku i është caktuar edhe masa e sigurisë ?Arrest me burg?.

E kërrusur, me flokët e lidhura, një bluzë të gjerë dhe atlete, Enertilën nuk do ta besonit se si duket në të vërtetë, nisur kjo nga imazhi i krijuar duke parë foton e profilit që ajo ka përdorur dhe joshur 30-vjeçarin Ahmeti.

Gazetarja Klodjana Haxhiaj ka bërë të ditur për GSH.al se vajza gjatë dëshmisë së saj në seancën e sotme gjyqësore ka mohuar kategorikisht që të ketë njohje me Barush Ahmetin, ndërsa shtoi se: ?Nuk e njoh fare këtë person. Nuk kam kontakt me të. Barushi s?më ka blerë mobilje shtëpie, i kemi blerë me shpenzimet tona, me kempin e mamit?, tha ajo?.

Sipas burimeve, policia ndër sendet e tjera të sekuestruara ka gjetur në shtëpinë Beqja tre TV plazëm, madje edhe një pistë vrapimi.

Policia e Durrësit bllokoi dje të gjitha veshmbathjet e vajzës në banesën e saj në Manzë, bizhuteritë (varse, ora, vëth), si dhe disa mobilie shtëpiake e pajisje elektronike, të cilat pretendohen se janë blerë nga i dashuri i saj virtual.

Çfarë tha 30-vjeçari në polici

?Ne u njohëm në vitin 2015 në ?Facebook?. Ajo më thoshte që ishte bionde e bukur dhe foto e saj e profilit ishte shumë e bukur. Pasi folëm disa herë, unë u dashurova pas saj. E kisha seriozisht, ishte vajza me të cilën do të martohesha. Më tha që jetonte dhe ishte emigrante në Itali dhe se familja e saj kishte disa vështirësi ekonomike. Që në fillim më kërkoi lekë. Ia kam nisur me ?Westernwnion? 1 mijë euro në emrin e saj. Më pas më kërkonte lekë vazhdimisht, pasi më thoshte që donte të krijonte besim tek unë. Më thoshte se do të mi kthente paratë.

Më pas i kam dërguar 10 mijë euro me ?westernunion?, prej vitit 2015. Një herë tjetër më tha se ishte sëmurë dhe unë u nisa për në Itali. Kur shkova në Itali, më tha që të kthehesha sepse kishte ardhur në Shqipëri. Në Itali kam shkuar dy herë, i kam blerë dhe të brendshme me tyl. Pas kësaj, më thoshte që jetonte në qytet në Durrës, por prindërit nuk e linin të dilte jashtë, nuk e linin të takonte asnjë njeri. Më thoshte që e mbanin të mbyllur brenda katër mureve?, ka deklaruar në policinë e Durrësit, Barush Ahmeti. Gjithashtu, Ahmeti ka treguar se, ?për të vërtetuar dashurinë time karshi saj, ajo vajza më tha se më Manëz kishte një teze, e cila ishte në gjendje të keqe shëndetësore dhe ekonomike. Në fillim u kam blerë kolltuqe dhe divane.

Iu kam blerë e dërguar orendi shtëpiake herë pas here. Më thoshte se më donte, se ishte Monaliza ime dhe tezen e saj duhet ta ndihmoja. Unë mendoja se do të martohesha me të. Edhe drutë për t?u ngrohur në dimër, televizor, frigorifer, lavatriçe dhe çdo orendi shtëpiake ua kam blerë dhe ua çuar me paratë që më dërgonin vëllezërit nga emigracioni. Flisnim në telefon, ndërsa ajo më thoshte se do të mi shlyente të gjitha gjërat që bëja për të. Më thoshte se do të mi kthente lekët dhe do të martohej me mua. Punoja në fshat në punë shteti dhe njëkohësisht më dërgonin para vëllezërit që kam jashtë shtetit. Të gjitha paratë ia kam dhënë asaj që nga viti 2015 kur u njohëm.

Ajo që mendoja se ishte e dashura ime donte dhurata të shtrenjta. Ia dërgoja lekët dhe i blinte. E doja nuse në shtëpi, por ajo më ka mashtruar. Kemi folur në ?FB? me mesazhe edhe në gjumë me njëri-tjetrin. Nga fotoja që shihja në ?FB? ishte shumë e bukur dhe shumë joshëse. Nuk e mendoja se do më bënte këtë gjë. Atë nuk e kam takuar asnjë herë. Më la kur më mbaruan lekët?./CityNews





Lajmet e fundit nga